Foto: QR MAM
2025 jylǵy 18 tamyzda Trabzon qalasynda (Túrkiia Respýblikasy) TÚRKSOI Túrki mádenieti halyqaralyq uiymyna múshe memleketterdiń mádeniet ministrleri orynbasarlarynyń kezdesýi ótti, dep habarlaidy Ult.kz.
Jiynǵa QR Mádeniet jáne aqparat vitse-ministri Aibek Sydyqov, sonymen qatar Ázerbaijan, Qyrǵyzstan, Túrkiia, Ózbekstan, Túrkimenstan jáne Soltústik Kipr Túrik Respýblikasynyń ókilderi de qatysty.
Sondai-aq, sapar barysynda túrik tarapynyń shaqyrýymen vitse-ministr Sydyqov Trabzon provintsiiasynyń gýbernatorymen jáne jergilikti atqarýshy organdardyń basshylyǵymen kezdesýler ótkizdi.
Kezdesýde vitse-ministr TÚRKSOI uiymynyń túrkitildes elder arasyndaǵy mádeni yntymaqtastyqty damytýǵa qosqan eleýli úlesin atap ótti. Ol óz sózinde 2026 jylǵa arnalǵan is-sharalar josparyn júzege asyrýdyń mańyzyna toqtalyp, «Aqtaý – Túrki áleminiń 2025 jylǵy mádeni astanasy» baǵdarlamasy aiasynda atqarylǵan jumystardy jariia etti.
