Belarýs prezidenti Aleksandr Lýkashenko ShUY-ǵa múshe elder basshylarynyń Astanadaǵy keńesi kezinde sóz sóiledi, - dep habarlaidy kaz.tengrinews.kz tilshisi.
Aleksandr Lýkashenko ShYU óte jyldam yqpaldy halyqaralyq uiymdardyń birine ainalyp kele jatqanyn atap ótti. Aita keteiik, Belarýs - ShYU-ny baqylaýshy el.
"Aimaqtyq qaqtyǵystar órship turǵan ýaqytta álemniń jartysyn quraityn elderdiń ózara jaqyndasýy qundy bolyp otyr. Búgingi kúngi ShYU-nyń ereksheligi, uiymǵa múshe elder qalamasa, eshkim de álemdegi jaǵdaidy turaqsyz ete almaidy. Bul ShYU-nyń úlken áleýeti. Muny kórý kerek - bul úlken qundylyq. Aýyzbirshilik lańkestik, ekstremizm, uiymdasqan qylmys siiaqty qaýipterge qarsy turatyn negizgi faktor", - deidi Lýkashenko.
Belarýs prezidenti ShYU-ny eshkim álemdik damýdyń eshbir máselesinen tys qaldyra almaitynyn aitady.
"ShYU bedeli artyp kele jatqanyn oǵan múshe elder qatarynyń artyp kele jatqany kórsetip otyr. Eki alpaýyt memleket - Úndistan men Pákistan - uiymnyń tolyq múshesi atandy. Bul sammittiń eń mańyzdy jetistigi", - dep bildirdi óz pikirin Belarýs basshysy.
Óziniń otyrys kezindegi sózinde Lýkashenko qurlyqtaǵy azyq-túlik qaýipsizdigin qamtamassyz etý bastamasyn qoldaityny aitty.
"Bul másele órship tur. Azyq-túliktiń iri óndirýshisi retinde Belarýs bul saladaǵy qoldan jasalǵan kedergilerdiń joiylýyn qoldaidy. Ainalyp kelgende osy uiym biriktirip otyrǵan elder óz halyqtaryn tamaqtandyrý qajet. Sonymen qatar, Eýraziiada taýar, qarjy, jumys kúshiniń ainalymyna kedergilerdi joiýǵa úlken mán beremiz. Bul máseleni búkil álem umytatyndai etip sheshýimiz kerek, óitkeni Eýraziia qurlyǵy - bizdiń ǵalamshardyń negizgi qurlyǵy", - deidi Lýkashenko Astanadaǵy otyrys kezinde.
