Lýkashenko Belarýstegi prezident sailaýynda jeńiske jetti

Foto: RBK

OSK aldyn ala málimetterdi usyndy. Oǵan sáikes Aleksandr Lýkashenko Belarýstegi prezidenttik sailaýda daýys berý qorytyndylary boiynsha 86,82 paiyz jinady.

Sinhýa aqparat agenttiginiń málimetinshe, bul týraly eldiń Ortalyq sailaý komissiiasynyń tóraǵasy Igor Karpenko habarlady.

Belarýs Ortalyq sailaý komissiiasynyń 27 qańtardaǵy aldyn ala málimetine sáikes A.Lýkashenko 86,82 paiyz, O.Gaidýkevich 2,02 paiyz, A.Hijniak 1,74 paiyz, A.Kanopatskaia 1,86 paiyz jáne S. Syrankov — 3,21 paiyz daýys jinaǵan. 

Barlyǵyna qarsy sailaýshylardyń 3,60%-y daýys berdi. Sailaýǵa qatysý kórsetkishi 85,70 paiyzdy qurady, al sailaýshylar sany 6 903 994 adam boldy.

Belarýs zańnamasyna sáikes, sailaýshylardyń 50 paiyzdan astam daýysyn jinaǵan úmitker jeńiske jetedi. OSK prezident sailaýynyń sońǵy qorytyndysyn 3 aqpanda shyǵarýdy josparlap otyr.

Qorytyndy rastalǵannan keiin A.Lýkashenko Belarýstiń sailanǵan prezidenti bolyp resmi túrde jariialanady.