Astanada LRT júiesiniń qaýipsizdigin qamtamasyz etý sharalary kúsheitildi. Bul týraly Kóliktegi politsiia departamenti málimdedi, dep habarlaidy ult.kz.
Málimetke sáikes, relsti kólikpen táýligine shamamen 60-70 myń jolaýshy qatynaidy. Al mereke jáne demalys kúnderi bul kórsetkish eki esege deiin artady. Osyǵan bailanysty stantsiialar men poiyzdardaǵy qaýipsizdikke erekshe nazar aýdarylyp otyr.
Kún saiyn LRT nysandarynda kólik politsiiasy men Ulttyq ulannyń 100-den astam qyzmetkeri patrýldik qyzmet atqaryp, profilaktikalyq jumystar júrgizedi.
«LRT – qaýiptiligi joǵary kólik nysandarynyń qataryna jatady. Sondyqtan jolaýshylar arasynda qaýipsizdik mádenietin qalyptastyrý asa mańyzdy», – dedi Kóliktegi politsiia departamenti bastyǵynyń birinshi orynbasary Temirjan Ramazanov.
Sondai-aq tótenshe jaǵdailarǵa jedel áreket etý, aqparat almasýdy jedeldetý jáne politsiia qyzmetkerleri men LRT mamandarynyń jumysyn úilestirý úshin biryńǵai radiobailanys júiesi engizilgen.
Tártip saqshylary adamdar kóp jinalatyn oryndarda profilaktikalyq jumystar turaqty túrde júrgiziletinin atap ótti.
