Foto: City Transportation Systems JShS
Qytaidyń Tanshan qalasynda Astana qalasyna arnalǵan LRT vagondarynyń alǵashqy eki quramy jiberildi, dep habarlaidy City Transportation Systems JShS baspaósz qyzmeti.
Qazaqstan tarapynan sharaǵa "City Transportation Systems" JShS basqarma tóraǵasy Asylbek Dúisebaev qatysty. Qytai tarapynan "CRRC Tangshan Co., Ltd" jyljymaly quramdy óndirýshi zaýyttyń Basqarma tóraǵasy Chjoý Tsiýnnian jáne bas merdiger CRAEC kompaniiasynyń bas direktory Chjoý Haivei qatysty.
Tanshan qalasyndaǵy zaýytta joba aiasynda barlyǵy 19 birlik jyljymaly quram óndiriledi. Zamanaýi, tórt sektsiialy, júrgizýshisiz júretin, avtomattandyrýdyń tórtinshi deńgeiindegi vagondardyń árqaisysy 650 jolaýshyǵa arnalǵan.
"Astanaǵa alǵashqy eki quramdy jetkizý maýsym aiyna josparlanǵan. Qalǵan 17 quram osy jyl sońyna deiin jetkiziledi. Jelini synaqtan ótkizýdi bastaý qyrkúiek aiyna josparlanyp otyr. Qazir Astanadaǵy LRT jobasy aiasynda qurylys jumystarynyń basym bóligi aiaqtaldy. Jol tóseý, stantsiialar qasbetin montajdaý, estakadanyń tirekteri men arqalyqtaryn syrlaý, syrtqy injenerlik jelilerdi qosý, estakada asty aimaǵyn abattandyrý jáne depo qurylysy jumystary jalǵasyp jatyr", - dep habarlaidy "City Transportation Systems" JShS.
Óndiris 1881 jyly qurylǵan Qytaidyń temirjol salasyndaǵy eń iri ári kóne kásiporyndarynyń biri — "CRRC Tangshan" zaýytynda júzege asyrylady.
