Buǵan deiin izdeýde júrgen eks-sheneýnik áleýmettik jelide Májilis depýtaty Maqsat Ramanqulovqa júgingen bolatyn. Ol LRT isin tergeý, urlanǵan qarajatty qaitarý máselesin birneshe ret kótergen bolatyn.
"Men taǵy da bas prokýror Berik Asylovqa júgindim. Halyqaralyq izdeýde júrgen Sultanbekov Facebook-te oqiǵanyń mán-jaiyn túsindirip, óz ustanymyn anyq aitqanyn jetkizdim. Men Sultanbekov keltirgen dálelderdi tekserip, BRT (Bus Rapid Transit - júrdek avtobýs kóligi - esk.) jáne LRT boiynsha bólek qylmystyq istiń barysy týraly tolyq aqparat berýdi suradym.
Jaýap aldym, biraq ókinishke qarai, ony jariialai almaimyn, óitkeni jaýap QPÚ túrinde keldi - qyzmettik paidalaný úshin. Qysqasha, sybailas jemqorlyqqa qarsy agenttik Sultanbekov pen basqa da sottalýshylarǵa qatysty qylmystyq isti tergegenin aita alamyn. Tergeý derekteri boiynsha, aitylǵan tulǵalar 2016 jylǵa deiin, 2012-2015 jyldar aralyǵynda jobalyq-smetalyq qujattamany ázirleý kezeńinde de aqsha urlaǵan", - dedi depýtat Ramanqulov suhbatynda.
Depýtattyń aitýynsha, izdeýde júrgender ózin kinásiz dep sanasa, Qazaqstanǵa oralyp, tergeýge qatysyp, aiǵaqtar berýi kerek.
"Eger olar kinásiz bolsa, qatysy joq bolsa, onda mynadai suraq týyndaidy, olar nege jasyrynyp júr? Kelip, kinásiz ekenin dáleldesin. Aiǵaq, túsinikteme berý kerek. Kinási bolmasa, eshkim negizsiz aiyp taǵa almaidy dep oilaimyn. Sondyqtan, izdeýde", - dedi depýtat.
Májilismen tergeý barysyn qadaǵalaitynyn aitty.
LRT isi boiynsha sot 2020 jyldyń kúzinde Nur-Sultanda bastaldy. Aiyptalýshylar qatarynda 5,8 milliard teńgeni jymqyrdy dep aiyp taǵylǵan jeti adam bar. 2021 jyly mamyrda shyqqan sot úkimi joiyldy. Jeti aiyptalýshy 7 jyldan 10 jylǵa deiingi merzimge bas bostandyǵynan aiyrylǵan.
