«Atameken» ulttyq kásipkerler palatasy basqarma tóraǵasynyń orynbasary Iýliia Iakýpbaeva lotereia men býkmeker keńselerin Ashyq júiesine engizý máselesi pysyqtalyp jatqanyn aitty, dep habarlaidy QazAqparat.
«Óńirler boiynsha 5 myń qatysýshynyń qataryn tolyqtyrǵysy keletin nysandardan Ashyq qosymshasyna kirgizý týraly 1200-den astam ótinim tústi. 300-den astam qatysýshy jeńildiksiz erikti rejimde jumys istep jatyr. Olar: bilim berý ortalyqtarynyń, demalys úileriniń, qonaq úilerdiń, meditsinalyq ortalyqtardyń, stomatologiianyń nysandary. Saýda, oiyn-saýyq ortalyqtarynyń jeke dúńgirshekteri de bar. Qazir, sondai-aq, Ashyq jobasyna qatysýshylardyń keńeitilgen bazasyna lotereia jáne býkmeker keńselerin engizý máselesin talqylap jatyrmyz», - dedi Iýliia Iakýpbaeva.
«Atameken» ókiliniń málimeti boiynsha, Ashyq júiesinde jumysyn jaýapty uiymdastyrǵan nysandarǵa qosymsha qarastyrylyp otyr.
«Sanitarlyq dárigerdiń 30 sáýirdegi qaýlysymen qatysýshylardyń tizimi aitarlyqtai keńeigenin bilesizder. Qyzymetin jaýapty uiymdastyrǵan qatysýshylar qosymsha jeńildikter aldy. Mysaly, qoǵamdyq tamaqtaný nysandarynyń jumys ýaqyty 2 saǵatqa uzartyldy. Fýdkorttar, oblysaralyq týristik tasymaldar, kórmeler ashyldy, sporttyq is-sharalarǵa kórermenderdiń qatysýyna ruqsat etildi, biliard klýbtary ashyldy», - dep tolyqtyrdy Iýliia Iakýpbaeva.
