Almaty qalasy boiynsha Ekonomikalyq tergeý departamenti men politsiia qyzmetkerleri áleýmettik jelide utysy joq jalǵan lotereia oiynyn uiymdastyrǵan topty anyqtady, - dep habarlaidy qalalyq ekonomikalyq tergeý departamentiniń baspasóz qyzmeti.
Ekonomikalyq tergeý departamenti baspasóz qyzmetiniń málimetinshe, atalǵan top 2020 jyldyń 23 aqpan men 23 sáýir aralyǵynda qundy utys syilyqtaryn - iaǵni 4 avtokólik (2 sedan jáne 2 djip), Almaty qalasynda bir bólmeli páter jáne basqa da turmystyq tehnikany oinatpaq bolyp, jalǵan lotereia oiynyn uiymdastyrǵan.
Alaida, joǵaryda kórsetilgen qundy syilyqtar bolmaǵan. Olar lotereia oiynyna qatysýshylardy sendirý úshin, 4 avtokólikti basqa jeke tulǵalardan jalǵa alǵandyǵy anyqtaldy.
Áleýmettik jelelerde júrgizgen jarnama arqyly 9 900 teńge turatyn 20 000 danadan astam oiyn bileti satylǵan.
Utys oiynyn oinatatyn baǵdarlamaǵa, uiymdastyrýshylarmen aldyn ala belgilengen utys biletteri engizilgen.
«Qazirgi tańda, QR Qylmystyq kodeksi 190-babynyń 2-bóligi 1-tarmaǵy boiynsha (alaiaqtyq, adamdar tobynyń aldyn ala sóz bailasýy) birqatar azamatqa qatysty sotqa deiingi tergeý amaldary júrgizilip jatyr», - dep habarlady qalalyq ekonomikalyq tergeý departamentiniń baspasóz qyzmeti.
Sondai-aq, lotereia oiynyn uiymdastyrýshylar tótenshe jaǵdai shekteýin buzǵany úshin QR Ákimshilik kodeksiniń 476-babymen ákimshilik jaýapkershilikke tartyldy.
Eske salaiyq, Almatyda 12 adam bir ǵimaratqa jinalyp utys oiynyn uiymdastyrǵan. Jinalǵandar onlain transliatsiia júrgizgen. Olardyń arasynda ánshi Ernar Aidar da bar. Ánshi karantin rejimi buzǵany úshin ákimshilik jaýapkershilikke tartylǵan.
