TikTok/@g.sxlva
Kaliforniiadaǵy orman órtterinen qaza tapqandar sany 16 adamǵa deiin ósti, - dep habarlaidy Tengrinews.kz tilshisi NBC News-ke silteme jasap.
"Kaliforniianyń ońtústiginde órtenip jatqan orman órtterinen kem degende 13 adam qaza tapty", - dedi telearna biliktiń málimetterine silteme jasai otyryp.
Senbide Los-Andjeles sherifi Robert Lýna taǵy 13-ke jýyq turǵyn joǵalyp ketkenin habarlady. Izdestirý-qutqarý operatsiiasy júzege asyrylǵan kezde zardap shekkenderdiń sany artady dep kútilip otyr.
Senbide, 11 qańtarda, osy aptada Los-Andjelestiń bir bóligin qiratqan úlken órt baǵytyn ózgertti. Bul - órt sóndirý bólimderin qaita ornalastyrýǵa jáne jańa evakýatsiialaýǵa ákeldi dep habarlaidy "Amerika daýysy".
Qalanyń batys shetindegi Paliseids aimaǵyndaǵy órt endi jańa baǵytqa bet aldy. Órt Brentvýdtyń osy ýaqytqa deiin qamtylmaǵan aýdandaryna jáne San-Fernando alqabynyń etegine jaqyndaidy.
Jel baǵytyn ózgertpes buryn, órtsóndirýshiler Paliseids pen Iton aýdandarynda órtti sóndirýdegi jetistikter týraly habarlaǵan bolatyn.
Ulttyq aýa raiy qyzmeti demalys kúnderi Los-Andjeles aimaǵyndaǵy jaǵdai jaqsaryp, jeldiń jyldamdyǵy saǵatyna 30 shaqyrymǵa deiin tómendeýi kerek dep málimdedi, alaida kelesi aptanyń seisenbisinen bastap jeldiń jyldamdyǵy qaitadan artady.
Jergilikti bilik sonymen qatar qalyń, ýly tútinge bailanysty tótenshe jaǵdai jariialady. Órt kezinde metaldardyń, plastmassalardyń jáne basqa sintetikalyq materialdardyń qaldyqtary aýaǵa tarady.
Seisenbiden beri Los-Andjeles okrýginiń aýdandaryn sharpyǵan alty órt 10 myń qurylymdy qiratty. AccuWeather apattyń shyǵyny men ekonomikalyq shyǵynyn 135-150 milliard dollarǵa baǵalady. Órt muhit jaǵalaýyndaǵy áigili akterler men basqa da adamdardyń ondaǵan úilerin otqa orady.
.jpg)
