28 qazanda ótetin Londondaǵy qazaq kinosy aptalyǵynyń ashylý saltanatynda rejisser Sábit Qurmanbekov túsirgen «Oralman» filmi kórsetiledi, – dep habarlady «Qazaqfilm» AQ baspasóz qyzmeti.
Mádeni is-sharany QR Mádeniet jáne sport ministrligi, Qazaqstan Respýblikasynyń Ulybritaniia jáne Soltústik Irlandiia Qurama Koroldigindegi elshiligi, Sh.Aimanov atyndaǵy «Qazaqfilm» kinostýdiiasy uiymdastyryp otyr.
«Oralman» filmi týǵan jerinen ketýge májbúr bolǵan, alaida ondaǵan jyldar ótken soń Aýǵanstannan eline qaita oralǵan qandastarymyz jaily baiandaidy. Shetel kórermenderine bul kinotýyndyny belgili kinodramatýrg, Qazaqstanniń eńbek sińirgen qairatkeri, filmniń stsenarii avtory Nurlan Sanjar tanystyratyn bolady.
Aita ketsek, qazaq kinosynyń aptalyǵy sheńberinde «Qazaqfilm» kinostýdiiasy shyǵarǵan basqa da filmder kórsetiledi.
29 qazanda rejisser Aqan Sataevtyń «Anaǵa aparar jol» tarihi dramasy usynylady. Filmdi Qazaqstannyń eńbek sińirgen qairatkeri, basty róldi somdaǵan akter Ádil Ahmetov tanystyrady.
30 qazanda Satybaldy Narymbetovtyń «Amanat» filmi kórsetiledi. Tarihi kinotýyndyny Qazaqstannyń eńbek sińirgen qairatkeri. basty róldi somdaǵan akter Berik Aitjanov tanystyrady.
31 qazanda shetel kórermenderine Ermek Tursynovtyń «Shal» filmi usynylady. Filmdi Qazaqstannyń eńbek sińirgen qairatkeri, prodiýser Qanat Tórebai tanystyrady.
Al 1 qarashada Qazaq kinosy aptalyǵynyń jabylý saltanatynda «Aika» filmi kórsetiledi. Bul filmniń kórsetilimine rejisser Sergei Dvortsevoi jáne aktrisa Samal Esliamova qatysady.
Aita ketsek, otandyq filmder Londonnyń eń tanymal VueWest End kinoteatrynda kórsetiledi. Bastalýy saǵat 18:00-de. Kirý tegin.
