Zamanaýi qazaq ádebietiniń aǵylshyn tilindegi antologiiasy Britaniia kitaphanasynda tanystyryldy, dep habarlaidy "Ult aqparat".
25 qyrkúiekte Britaniia kitaphanasynda (London, Ulybritaniia) qazirgi qazaq poeziiasy men prozasy antologiiasynyń aǵylshyn tilindegi nusqasynyń tusaýkeser rásimi ótti.
Qazaq ádebieti jinaǵynyń aǵylshyn tiline aýdarmasy men basylymyn kórkem aýdarma salasyndaǵy tájiribeli britaniialyq mamandardyń qatysýymen Kembridj ýniversitetiniń baspasy jasap shyqty. Antologiialarǵa alǵysózdi Britaniianyń akademiialyq qoǵamdastyǵynyń jarqyn ókilderi jazdy. Mysaly, zamanaýi qazaq prozasynyń antologiiasyna Britaniia keńesiniń bas direktory, ser Kiaren Devein alǵysóz arnasa, qazirgi qazaq poeziiasynyń jinaǵyna alǵysóz avtory – ádebiettanýshy-professor Djeison Harding.
Qazaq prozasy men poeziiasynyń Kembridj ýniversiteti baspasynan jaryq kórip, álemniń iri kitaphanasynda tanystyrylǵan aǵylshyn tilindegi antologiialary Ulybritaniia, AQSh, Kanada, Avstraliia, Jańa Zelandiia jáne basqa da aǵylshyn tilinde sóileitin ondaǵan eldiń 8 myńnan asa kitaphanasyna, ýniversitetteri men ǵylymi ortalyqtaryna jetkiziledi.
Tanystyrylymǵa Britaniia keńesiniń, Kembridj ýniversiteti baspasy, Britaniia kitaphanasynyń basshylary, sondai-aq aýdarmashylar, ádebi redaktorlar, synshylar men sholýshylar qatysty. Qazaqstan tarapynan sharaǵa QR Prezidentiniń kómekshisi, «Rýhani jańǵyrý» baǵdarlamasyn júzege asyrý boiynsha Ulttyq komissiia hatshysy Aida Balaeva, QR Ulybritaniiadaǵy Tótenshe jáne ókiletti elshisi Erlan Ydyrysov, Ulttyq aýdarma biýrosynyń atqarýshy direktory Raýan Kenjehanuly, Qazaqstan Jazýshylar odaǵy tóraǵasynyń orynbasary Aqberen Elgezek qatysty.
Zamanaýi qazaq ádebietiniń úzdik úlgileriniń BUU 6 tiline aýdarmasy «Jahandaǵy zamanýi qazaqstandyq mádeniet» jobasy aiasynda júzege asyp otyrǵany málim. Joba, óz kezeginde, Qazaqstan Respýblikasynyń Tuńǵysh Prezidenti – Elbasy N.Nazarbaevtyń bastamasymen qolǵa alynǵan «Rýhani jańǵyrý» baǵdarlamasynyń mańyzdy baǵyty sanalady. «Jahandaǵy zamanýi qazaqstandyq mádeniet» jobasynyń mindeti – qazirgi zamanǵy Qazaqstannyń ádebiet, mýzyka, beineleý óneri, horeografiia, kino jáne teatr salalaryndaǵy mádeni qazynalaryn álem jurtshylyǵyna tanystyrý.
«Bizdiń jobamyz 2017 jyly sáýir aiynda Tuńǵysh Prezident Nursultan Nazarbaev usynǵan «Rýhani jańǵyrý» baǵdarlamasynyń aiasynda júzege asýda. Onyń ózeginde zamanaýi álemde ulttyń básekege qabilettiligi onyń mádeni jáne intellektýaldyq potentsialymen ólshenedi degen oi jatyr. Búgingi tusaýkeser «Jahandyq álemdegi zamanaýi qazaqstandyq mádeniet» jobasynyń aiasyndaǵy jumystyń jemisi. Ol qazaqstandyq ádebiet, mýzyka, beineleý óneri, teatr jáne kino týyndylaryn álemge tanystyrýǵa baǵyttalǵan. Búgingi jobamyz júieli túrde jalǵasyn taýyp, mádeniet aralyq qarym qatynastardyń ulǵaiýyna negiz bolady degen senimdemin». «Rýhani jańǵyrý» baǵdarlamasynyń aiasynda 60 qazaqstandyq avtordyń tańdamaly shyǵarmalary tuńǵysh ret birden álemniń negizgi alty tiline aýdarylyp otyr. Jobany júzege asyrýǵa Ulybritaniia, Frantsiia, Ispaniia, Egipet, Qytai jáne Reseidiń jetekshi baspa uiymdary atsalysty. Antologiialar álemniń 90-nan asa eline, bes qurlyqqa taraidy. Iaǵni, buryn-sońdy dúniejúzi oqyrmandarynyń qolyna túspegen qazaq ádebietiniń úzdik úlgilerimen 2,6 mlrd adam tanysýǵa múmkindik alady. Qazirgi qazaq ádebieti antologiiasy mundai aýqymda alǵash ret jaryq kórip otyr. Jinalǵan tájiribemiz men seriktesterimizdiń qoldaýyna súiene otyryp, biz osynaý mańyzdy mádeni jobany odan ári jalǵastyramyz. Kembridj ýniversitetiniń baspasy jáne Britaniia keńesindegi dostarymyzdyń arqasynda mamandar basylymdarǵa joǵary baǵasyn berip otyr. Elimizdiń, avtorlarymyzdyń atynan áriptesterge shynaiy alǵysymdy jetkizgim keledi», – dedi tanystyrylymda sóz sóilegen «Rýhani jańǵyrý» baǵdarlamasyn júzege asyrý boiynsha Ulttyq komissiia hatshysy Aida Balaeva.
«Rýhani jańǵyrý» baǵdarlamasynyń bir baǵyty – «Jahandaǵy zamanaýi qazaqstandyq mádeniet» jobasy aiasynda qazirgi qazaq ádebietiniń qos antologiiasy aýdarylyp, jaryq kórdi. Olar – «Qazirgi qazaq prozasynyń antologiiasy» jáne «Qazirgi qazaq poeziiasynyń antologiiasy». Ár antologiianyń kólemi – shamamen 500 bettei, árqaisysyna 30 qazaqstandyq avtordyń tańdamaly shyǵarmasy endi.
Antologiiany aǵylshyn tiline aýdaryp, baspadan shyǵarý boiynsha strategiialyq seriktesimiz – Britaniia keńesi. Olar jobaǵa sarapshylyq qoldaý kórsetti. Al, eń basty seriktes – Kembridj ýniversitetiniń baspasy (Sambridge University Press) Ulttyq aýdarma biýrosymen birge jolma-jol aýdarmany ádebi óńdeý, baspaǵa daiyndaý, basyp shyǵarý, sondai-aq basylymdardy aǵylshyntildi elderde taratý, jetkizý jáne nasihattaý boiynsha keshendi jumystardy atqardy.
