Britan aqparat quraldary 15 qyrkúiekte Londonnyń ońtústik-batysynda metroda plastik konteiner jarylǵanyn habarlady.
Politsiia metronyń London metrosynyń Ýimbldon bólimine qarasty "Parsons Grin" stantsiiasynda "tótenshe oqiǵa" bolǵanyn rastady.
Oqiǵa ornynda politsiia jumys istep, jedel járdem qyzmeti jaralylarǵa kómek kórsetip jatyr.
Jarylystan birneshe adam jaralanǵan, zardap shekkender arasynda beti kúiip qalǵandar da bar.
Reuters agenttiginiń kýágerlerge silteme jasap habarlaýynsha, keibir jolaýshylar jarylys bolǵanda stantsiiadan esi shyǵa, dúrligip jan-jaqqa qashqanda da biraz adam zardap shekken.
London transport qyzmetiniń sheneýnikteri Twitter-de jarylystan soń metronyń bul bóliminde qozǵalys toqtatylǵanyn habarlady.
"Biz "Parsons-Grin" metrosynda bolǵan jarylys jaily bilemiz. Qyzmetkerler oqiǵa ornynda", - delingen politsiianyń Twitter jelisindegi paraqshasynda.
