بريتان اقپارات قۇرالدارى 15 قىركٷيەكتە لوندوننىڭ وڭتٷستٸك-باتىسىندا مەترودا پلاستيك كونتەينەر جارىلعانىن حابارلادى.
پوليتسييا مەترونىڭ لوندون مەتروسىنىڭ ۋيمبلدون بٶلٸمٸنە قاراستى "پارسونس گرين" ستانتسيياسىندا "تٶتەنشە وقيعا" بولعانىن راستادى.
وقيعا ورنىندا پوليتسييا جۇمىس ٸستەپ, جەدەل جەردەم قىزمەتٸ جارالىلارعا كٶمەك كٶرسەتٸپ جاتىر.
جارىلىستان بٸرنەشە ادام جارالانعان, زارداپ شەككەندەر اراسىندا بەتٸ كٷيٸپ قالعاندار دا بار.
Reuters اگەنتتٸگٸنٸڭ كۋەگەرلەرگە سٸلتەمە جاساپ حابارلاۋىنشا, كەيبٸر جولاۋشىلار جارىلىس بولعاندا ستانتسييادان ەسٸ شىعا, دٷرلٸگٸپ جان-جاققا قاشقاندا دا بٸراز ادام زارداپ شەككەن.
لوندون ترانسپورت قىزمەتٸنٸڭ شەنەۋنٸكتەرٸ Twitter-دە جارىلىستان سوڭ مەترونىڭ بۇل بٶلٸمٸندە قوزعالىس توقتاتىلعانىن حابارلادى.
"بٸز "پارسونس-گرين" مەتروسىندا بولعان جارىلىس جايلى بٸلەمٸز. قىزمەتكەرلەر وقيعا ورنىندا", - دەلٸنگەن پوليتسييانىڭ Twitter جەلٸسٸندەگٸ پاراقشاسىندا.
