2020 jylǵy qańtar-qarasha ailarynda elimizde 4,1 mln tonna benzin óndirildi. Bul ótken jylǵy kórsetkishpen salystyrǵanda 0,3%-ǵa artyq, dep habarlaidy energyprom.kz.
Shymkentte 1,8 mln tonna benzin (1 jylda 2,9%-ǵa artqan), Palodar oblysynda 1,3 mln tonna benzin (1 jylda 6,6%-ǵa artqan), Atyraý oblysynda 963 myń tonna benzin (1 jylda 12,2%-ǵa azaiǵan).
Eske sala keteiik, atalǵan óńirlerde «PetroKazahstan Oil Prodakts» JShS, Pavlodar munai-himiia jáne Atyraý munai óńdeý zaýyttary jumys isteidi.
On aidyń qorytyndysy boiynsha eldiń ishki naryǵynda benzindi satý 11,5%-ǵa qysqardy (al aviaotyndy tutyný bir jylda birden 30%-ǵa tómendedi). Oǵan karantin shekteýleri sebep bolyp otyr. Bul rette otandyq kompaniialar ishki jáne syrtqy sektorlarda suranysty tolyǵymen qamtamasyz etti. Import úlesi 0,03%-dy qurady, kólemi bir jyl ishinde birden 15,4 ese tómendedi. Sonymen qatar, eksport úlesine resýrstardyń 12,1% tiesili, al bir jyl buryn bul kórsetkish tek 0,6%-dy quraǵan bolatyn. Qazaqstan 445,6 myń tonna benzindi eksporttady, bul bir jyl burynǵy kórsetkishke qaraǵanda 20 ese kóp.
Sonymen qatar, sarapshylar motor otynynyń jetispeý qaýpi bar dep sanaidy. Qazaqstanǵa jyl saiyn qaita óńdeý jáne óziniń tutynýy úshin shamamen 17 mln tonna shiki munai qajet. Ishki tutyný úshin jyl saiyn shamamen 5-6 million tonna munai jetispeitin. Tapshylyq reseilik jetkizilim esebinen óteldi, deidi sarapshylar. 2020 jyly karantinge jáne JJM-ǵa suranystyń jalpy tómendeýine bailanysty tapshylyq týyndaǵan joq.
Budan basqa, Qazaqstannyń Munai servistik kompaniialar odaǵy prezidýmynyń tóraǵasy Rashid Jaqsylyqov Qazaqstannyń Eýraziialyq ekonomikalyq odaq sheńberindegi mindettemelerine bailanysty aldaǵy jyldary otyn baǵasy ósetinin habarlady. Biraq ázirge Qazaqstanda ishki tarif áli de óz kúshinde. AI-92 bir jylda 2,7% -ǵa qymbattap, litrine 150,7 teńgeni qurady. AI-95/96 - 0,8% -ǵa artyp, 1 litri 171,3 teńge bolsa, AI-98 - 1,4% -ǵa ósip, 190,2 teńgeni qurady.
