Portýgaliia úkimeti jańa koronavirýstyń taralýyn boldyrmaý úshin Ispaniiamen shekarany jabý týraly sheshim qabyldady, dep habarlaidy Euronews.
Jergilikti BAQ-tyń habarlaýynsha, buiryq juma kúni kúshine enedi jáne eki apta boiy qoldanysta bolady. Sondai-aq 14 kún ishinde bilik azamattardyń elden áýe jáne jer ústi kóligimen shyǵýyna shekteý qoiady. Buǵan deiin respýblika Parlamenti tótenshe jaǵdai rejimin 14 aqpanǵa deiin uzartqan bolatyn.
Epidemiiamen kúresý sharalary adamdardyń júrisin shekteidi. Sonymen birge zeinetkerlikke shyqqan dárigerlerdi aýrýhanaǵa qaita jumys isteýge jumyldyrýǵa múmkindik beredi. Bilik sońǵy ýaqytta elde infektsiianyń taralý qarqyny artyp kele jatqanyna qatty alańdaýly.
Sońǵy táýlikte elde COVID-19 saldarynan 303 naýqas qaitys boldy. Bul Portýgaliiadaǵy epidemiia bastalǵannan bergi eń joǵary kórsetkish. 24 saǵat ishinde 16 432 adamda koronavirýs anyqtaldy.
COVID-19 ólimi men infektsiia juqtyrý sany Lissabon men Vale-dý-Tejgý aimaǵynda eń kóp tirkelgen. Densaýlyq saqtaý ministri Marta Temidanyń aitýynsha, munda pnevmoniianyń shamamen 50%-yn britaniialyq koronavirýs shtamy qozdyrǵan.
