Ál-Farabi atyndaǵy Qazaq ulttyq ýniversitetiniń «Qazaq ýniversiteti» baspa úii Qazaqstan Respýblikasynyń Litvadaǵy Elshiligimen jáne Litvanyń «Jara» baspa úiimen birlesip, ál-Farabidiń 1150 jyldyǵy men Abai Qunanbaiulynyń 175 jyldyǵyna orai XXI Halyqaralyq Vilniýs kitap kórmesine qatysýda, dep habarlaidy "Ult aqparat".
Bul týraly Qazaqstan Respýblikasynyń Litvadaǵy Elshiligi málim etti.
«Litvalyq oqyrmandardyń nazaryna Shyǵystyń uly oishyly Ábý Nasyr ál-Farabidiń jáne qazaq aǵartýshysy Abai Qunanbaiuly týraly jazylǵan elýden astam kitap usynyldy», delingen atalǵan habarlamada.
Kórme barysynda Qazaqstan jáne Litva arasynda seriktesterimen kelissózder júrgizilip, Elbasynyń «Rýhani jańǵyrý» jáne «Uly Dalanyń 7 qyry» atty baǵdarlamalyq maqalalaryn iske asyrý aiasynda ǵylymi jáne kórkem ádebiet salasyndaǵy birlesken jobalar júrgizý týraly kelisimsharttarǵa qol qoiyldy.
Halyqaralyq Vilniýs kitap kórmesi Baltyq elderinde eń iri jáne mańyzdy kitap kórmesi bolyp sanalady.
4 kúndik kórmede 500-den astam mádeni is-sharalar ótkiziledi dep josparlanyp, Litva jáne memleket aýmaǵynan 60 000-nan astam kórermen keledi dep kútilýde.
