Jeksenbide Lion qalasyndaǵy (Frantsiianyń ortalyq bóligi) Vez oramynyń turǵyndary Ekinshi dúniejúzilik soǵystan qalǵan áýe bombasyn zalalsyzdandyrý operatsiiasy saldarynan qaýipsiz jerge kóshirildi, dep habarlaidy "Ult aqparat".
France 3 memlekettik telearnasynyń aimaqtyq bólimshesiniń habarlaýynsha, salmaǵy 250 kg bomba stýdentter jataqhanasynyń qurylysy kezinde tabylǵan. Saperler jarylǵysh alynyp tastalǵannan keiin de bombanyń tasymaldaý barysynda qaýipti bolýy múmkin ekendigin málimdedi. Osyǵan bailanysty qala biligi ýaqytsha turǵyndardy qaýipsiz jerge kóshirý týraly sheshim qabyldaǵan.
Birneshe metro jelisi jáne avtobýstyq baǵdarlardaǵy qozǵalys toqtatyldy. Jaqyn mańaidaǵy temir joly stansasy men temirjol deposy jabyldy.
Soǵys kezinde nemis áskerleri qorshaýǵa alǵan Lion qalasy 1944 jyldyń 26 mamyrynda amerikandyq aviatsiianyń jappai bombalaýyn bastan keshirdi. Sol kúni qalaǵa 1,5 kg áýe bombasy tastalǵan. Saldarynan 700 liondyq qaza tapty.
