Fotokollaj: Tengrinews.kz
Qarjy piramidasynyń jetekshisi Ýkrainadan ekstraditsiialandy, dep habarlaidy "Ult aqparat" Bas prokýratýranyń baspasóz qyzmetine silteme jasap.
Ýkraina Bas prokýrorynyń keńsesi Qazaqstan Respýblikasy Bas prokýratýrasynyń «LIDER» qarjy piramidasyn basqardy degen kúdikpen izdeýde júrgen azamatty ustap berý týraly ótinishin qanaǵattandyrǵan.
Ol 2017-2019 jyldar aralyǵynda bótenniń múlkin jymqyrý maqsatynda jalǵan jobalarǵa azamattardyń aqshalai salymdaryn tartýdyń zańsyz shemasyn uiymdastyrdy degen kúdikke ilingen.
Qylmystyq áreketterdiń nátijesinde zardap shekken 240-tan astam azamatqa 1,2 milliard teńgeden astam shyǵyn keltirilgen.
Qylmystardy jasaǵannan keiin, ol qylmystyq qýdalaý organdarynan jasyrynyp, saldarynan halyqaralyq izdeýge jariialanǵan.
"2023 jyldyń tamyz aiynda kúdiktini Ýkrainanyń quqyq qorǵaý organdary ustady.
Búgin Bas prokýratýra men Ishki ister ministrliginiń qyzmetkerleri Syrtqy ister ministrliginiń kómegimen kúdiktini qylmystyq jaýapkershilikke tartý úshin Qazaqstanǵa ekstraditsiialady.
Qazirgi ýaqytta ol Astana qalasynyń tergeý izoliatoryna qamaldy" - delingen vedomstvo habarlamasynda.
Joǵaryda atalǵan qylmystardy jasaǵany úshin oǵan 5 jyldan 12 jylǵa deiin bas bostandyǵynan aiyrý jazasy taǵaiyndalýy múmkin.
