فوتوكوللاج: Tengrinews.kz
قارجى پيراميداسىنىڭ جەتەكشٸسٸ ۋكراينادان ەكستراديتسييالاندى, دەپ حابارلايدى "ۇلت اقپارات" باس پروكۋراتۋرانىڭ باسپاسٶز قىزمەتٸنە سٸلتەمە جاساپ.
ۋكراينا باس پروكۋرورىنىڭ كەڭسەسٸ قازاقستان رەسپۋبليكاسى باس پروكۋراتۋراسىنىڭ «LIDER» قارجى پيراميداسىن باسقاردى دەگەن كٷدٸكپەن ٸزدەۋدە جٷرگەن ازاماتتى ۇستاپ بەرۋ تۋرالى ٶتٸنٸشٸن قاناعاتتاندىرعان.
ول 2017-2019 جىلدار ارالىعىندا بٶتەننٸڭ مٷلكٸن جىمقىرۋ ماقساتىندا جالعان جوبالارعا ازاماتتاردىڭ اقشالاي سالىمدارىن تارتۋدىڭ زاڭسىز سحەماسىن ۇيىمداستىردى دەگەن كٷدٸككە ٸلٸنگەن.
قىلمىستىق ەرەكەتتەردٸڭ نەتيجەسٸندە زارداپ شەككەن 240-تان استام ازاماتقا 1,2 ميلليارد تەڭگەدەن استام شىعىن كەلتٸرٸلگەن.
قىلمىستاردى جاساعاننان كەيٸن, ول قىلمىستىق قۋدالاۋ ورگاندارىنان جاسىرىنىپ, سالدارىنان حالىقارالىق ٸزدەۋگە جارييالانعان.
"2023 جىلدىڭ تامىز ايىندا كٷدٸكتٸنٸ ۋكراينانىڭ قۇقىق قورعاۋ ورگاندارى ۇستادى.
بٷگٸن باس پروكۋراتۋرا مەن ٸشكٸ ٸستەر مينيسترلٸگٸنٸڭ قىزمەتكەرلەرٸ سىرتقى ٸستەر مينيسترلٸگٸنٸڭ كٶمەگٸمەن كٷدٸكتٸنٸ قىلمىستىق جاۋاپكەرشٸلٸككە تارتۋ ٷشٸن قازاقستانعا ەكستراديتسييالادى.
قازٸرگٸ ۋاقىتتا ول استانا قالاسىنىڭ تەرگەۋ يزولياتورىنا قامالدى" - دەلٸنگەن ۆەدومستۆو حابارلاماسىندا.
جوعارىدا اتالعان قىلمىستاردى جاساعانى ٷشٸن وعان 5 جىلدان 12 جىلعا دەيٸن باس بوستاندىعىنان ايىرۋ جازاسى تاعايىندالۋى مٷمكٸن.
