©️ Fox News
Tanymal amerikalyq akter, Gollivýd juldyzy Leonardo Di Kaprio kiik popýliatsiiasynyń qalpyna kelýine bailanysty Qazaqstan Úkimetine úndeý jasady, dep habarlaidy Kazinform agenttigi.
- Aqbóken Halyqaralyq tabiǵatty qorǵaý odaǵynyń Qyzyl tiziminde joiylyp ketý qaýpi tóngen sanatqa qaita jikteldi. Buryn-sońdy bolmaǵan bul qalpyna keltirý — Qazaqstandaǵy aqbóken popýliatsiiasynyń keremet saqtalǵanyn kórsetedi. 2005 jyly nebári 48 000 bolǵan túr qazir jabaiy tabiǵatta 1,9 millionnan asady, - dep atap ótti Di Kaprio.
Osyǵan bailanysty Gollivýd juldyzy Qazaqstan Úkimetine alǵys bildirdi.
«Brakonerlikpen kúres jónindegi bastamalarǵa, quqyq qorǵaý júiesine jáne qorǵalatyn tabiǵi aýmaqtardy qurýǵa qomaqty qarjy bólgen Qazaqstan úkimetin quttyqtaimyn. Sizder tabiǵatty qorǵaý uiymdarymen, ýniversitettermen jáne ǵalymdarmen yntymaqtasa otyryp, birlesken kúsh-jiger arqyly tabiǵatty qorǵaý salasynda shynaiy tabysqa qol jetkizýdiń jarqyn mysaly bola aldyńyzdar», - dep jazdy akter.
