Lenovo top-menedjeri Ermek Jaqypjanovtyń denesi Almaty oblysyndaǵy kent mańynan tabyldy, dep habarlaidy Ult.kz.
"10 qazanda Ile aýdany Ótegen batyr kentiniń shetinde zorlyq-zombylyqpen ólim belgileri bar bir kún buryn Almatyda habar-osharsyz ketken 42 jastaǵy er adamnyń máiiti tabyldy",-dep jaýap berdi Almaty oblysy politsiia departamentiniń baspasóz qyzmeti.
9 qazanda eriktiler Jaqypjanovtyń úiden tańerteń erte avtokólikpen ketkenin habarlady.
Aita keteiik, ol Lenovo kompaniiasynyń Qazaqstandaǵy, Tájikstandaǵy jáne Túrikmenstandaǵy memlekettik institýttarmen jumys jónindegi direktory bolyp jumys istegen.
Politsiia bul kisi óltirý ekenin atap ótti. Qylmystyq is qozǵaldy. 24 jastaǵy kúdikti ustaldy. Ol Qaraǵandy oblysynda izin sýytpai tabylyp, ustaldy.
"Qylmystyń barlyq mán-jaiy men sebepterin obektivti zertteýge baǵyttalǵan barlyq qajetti tergeý áreketteri júrgizilip jatyr", - dep tolyqtyrdy politsiia ókilderi.
