«Otbasy bank» AQ basshysy Lázzat Ibragimova baspana baǵasy qymbattap ketken shaqta úi izdeýshilerge keńes berdi, dep habarlaidy QazAqparat.
«Ekinshi deńgeili turǵyn úilerdiń naryǵy týraly suraqqa keler bolsaq, baspana baǵasy árine, satýshynyń naryǵyna táýeldi. Baspana máselesi qoǵamda birinshi kezekke shyqqannan keiin árine, úi satatyn adamdar molyraq paidaǵa kenelip qalǵysy keledi. Meniń oiymsha, azdap kúte turý kerek. Ýaqyt óte kele naryq óziniń shynaiy qalpyna oralady. Suranys pen usynystar ol úshin teńesýi kerek. Menińshe, osy jyldyń mamyry men maýsymy aralyǵynda baǵa máselesi ótken jylǵa uqsas kezeńge oralýǵa tiis», - dedi Lázzat Ibragimova OKQ-da ótip jatqan baspasóz máslihatynda.
Ol sonymen qatar, zeinetaqy jinaǵynyń bir bóligine 45 kúnniń ishinde úi taba almai qalatyn azamattardy sabyr saqtaýǵa shaqyrdy.
«Mundai jaǵdaida 45 kúnnnen keiin qarajat jeke zeinetaqy qoryna qaitarylady. Ol úshin ýaiymdaýdyń qajeti joq. Odan keiin de qaita ótinim jiberýge ábden bolady», - dedi ol.
Eske salsaq, jaqynda ótken Úkimet otyrysynda Prezident Qasym-Jomart Toqaev baspana baǵasynyń sharyqtaýyna tosqaýyl qoiýdy tapsyrǵan bolatyn.
2021 jyly 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy. Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
23 qańtardan Qazaqstanda zeinetaqynyń bir bóligin alýǵa ótinim qabyldaý bastaldy.
