«وتباسى بانك» اق باسشىسى لەززات يبراگيموۆا باسپانا باعاسى قىمباتتاپ كەتكەن شاقتا ٷي ٸزدەۋشٸلەرگە كەڭەس بەردٸ, دەپ حابارلايدى قازاقپارات.
«ەكٸنشٸ دەڭگەيلٸ تۇرعىن ٷيلەردٸڭ نارىعى تۋرالى سۇراققا كەلەر بولساق, باسپانا باعاسى ەرينە, ساتۋشىنىڭ نارىعىنا تەۋەلدٸ. باسپانا مەسەلەسٸ قوعامدا بٸرٸنشٸ كەزەككە شىققاننان كەيٸن ەرينە, ٷي ساتاتىن ادامدار مولىراق پايداعا كەنەلٸپ قالعىسى كەلەدٸ. مەنٸڭ ويىمشا, ازداپ كٷتە تۇرۋ كەرەك. ۋاقىت ٶتە كەلە نارىق ٶزٸنٸڭ شىنايى قالپىنا ورالادى. سۇرانىس پەن ۇسىنىستار ول ٷشٸن تەڭەسۋٸ كەرەك. مەنٸڭشە, وسى جىلدىڭ مامىرى مەن ماۋسىمى ارالىعىندا باعا مەسەلەسٸ ٶتكەن جىلعا ۇقساس كەزەڭگە ورالۋعا تيٸس», - دەدٸ لەززات يبراگيموۆا وكق-دا ٶتٸپ جاتقان باسپاسٶز مەسليحاتىندا.
ول سونىمەن قاتار, زەينەتاقى جيناعىنىڭ بٸر بٶلٸگٸنە 45 كٷننٸڭ ٸشٸندە ٷي تابا الماي قالاتىن ازاماتتاردى سابىر ساقتاۋعا شاقىردى.
«مۇنداي جاعدايدا 45 كٷنننەن كەيٸن قاراجات جەكە زەينەتاقى قورىنا قايتارىلادى. ول ٷشٸن ۋايىمداۋدىڭ قاجەتٸ جوق. ودان كەيٸن دە قايتا ٶتٸنٸم جٸبەرۋگە ەبدەن بولادى», - دەدٸ ول.
ەسكە سالساق, جاقىندا ٶتكەن ٷكٸمەت وتىرىسىندا پرەزيدەنت قاسىم-جومارت توقاەۆ باسپانا باعاسىنىڭ شارىقتاۋىنا توسقاۋىل قويۋدى تاپسىرعان بولاتىن.
2021 جىلى 2 قاڭتاردا قر پرەزيدەنتٸ قاسىم-جومارت توقاەۆ زەينەتاقى جيناعىنىڭ بٸر بٶلٸگٸن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ٷشٸن جاڭارتىلعان «جەتكٸلٸكتٸلٸك شەگٸ» جارييالاندى. زەينەتاقى جيناعىنان الۋعا بولاتىن سوما بجزق سايتىندا اۆتوماتتى تٷردە كٶرسەتٸلەدٸ.
23 قاڭتاردان قازاقستاندا زەينەتاقىنىڭ بٸر بٶلٸگٸن الۋعا ٶتٸنٸم قابىلداۋ باستالدى.
