Foto: ashyq derekkóz
Resei syrtqy ister ministri Sergei Lavrov Qazaqstan prezidenti Qasym-Jomart Toqaevtyń "ulttardyń ózin-ózi anyqtaý quqyǵynan góri aýmaqtyq tutastyq quqyǵy basym bolý kerek" degen ustanymymen kelispeitinin bildirdi, dep habarlaidy Ult.kz.
"Aýmaqtyq tutastyqty osy aýmaqta ómir súretin búkil halyqtyń atynan sóileitin úkimeti bar memleketter ǵana qurmetteidi. Al birde-bir otarshyl derjava bul aýmaqtaǵy barlyq halyqty ókildik etken emes! Bul dáleldeýdi qajet etpeidi! Parij de, Lissabon da, Madrid te, London da eshkimdi ókildik etken joq... Sondyqtan dekolonizatsiia úderisi BUU Jarǵysyna tolyq sáikes ótti", – dedi Lavrov "Kommersant" gazetine bergen suhbatynda.
Bul sózin ol Toqaevtyń: "Eger memleketter tek ulttardyń ózin-ózi anyqtaý quqyǵyna súienetin bolsa, álemde shamamen 650 aimaqtyq qaqtyǵys tutanyp ketýi múmkin" degen málimdemesine jaýap retinde aitty.
