RF Syrtqy ister ministri Sergei Lavrov QR Syrtqy ister ministri Beibit Atamqulovpen kezdesýde Qazaqstandy 2017-2018 jyldary BUU Qaýipsizdik Keńesiniń jumysyna turaqty emes múshe retinde tabysty atsalysýymen quttyqtady, dep habarlaidy QazAqparat.
«Sizdi Máskeýde kórgenime qýanyshtymyn. Beibit Bákiruly, men Sizdi Qazaqstan Respýblikasynyń Syrtqy ister ministri bolyp taǵaiyndalýyńyzben taǵy da quttyqtaimyn», - dedi S. Lavrov qazaqstandyq elshige.
Reseilik ministr eki eldiń basshylary bekitetin kelisimder aiasynda Qazaqstan men Resei yntymaqtastyǵyn, strategiialyq seriktestigin nyǵaitý jumystaryn birlese jalǵastyratyndaryna senim bildirdi.
«Syrtqy saiasi úilestirý týraly aita kele, qazaqstandyq áriptesterdi 2017-2018 jyldary BUU Qaýipsizdik Keńesiniń jumysyna turaqty emes múshe retinde tabysty atsalysýymen quttyqtaimyn. Siriia boiynsha joǵary deńgeili halyqaralyq kezdesýlerde dostarymyzdyń kórsetken kómegin joǵary baǵalaimyz. Kezekti kezdesý Astanada kelesi aidyń basynda ótedi.
Qazaqstannyń Aqtaý qalasynda jiyrma jyldyq kelissózderden keiin Kaspiidiń quqyqtyq mártebesi týraly Konventsiiaǵa qol qoiylýymen de quttyqtaimyz», - dep atap ótti Sergei Lavrov.
