رف سىرتقى ٸستەر مينيسترٸ سەرگەي لاۆروۆ قر سىرتقى ٸستەر مينيسترٸ بەيبٸت اتامقۇلوۆپەن كەزدەسۋدە قازاقستاندى 2017-2018 جىلدارى بۇۇ قاۋٸپسٸزدٸك كەڭەسٸنٸڭ جۇمىسىنا تۇراقتى ەمەس مٷشە رەتٸندە تابىستى اتسالىسۋىمەن قۇتتىقتادى, دەپ حابارلايدى قازاقپارات.
«سٸزدٸ مەسكەۋدە كٶرگەنٸمە قۋانىشتىمىن. بەيبٸت بەكٸرۇلى, مەن سٸزدٸ قازاقستان رەسپۋبليكاسىنىڭ سىرتقى ٸستەر مينيسترٸ بولىپ تاعايىندالۋىڭىزبەن تاعى دا قۇتتىقتايمىن», - دەدٸ س. لاۆروۆ قازاقستاندىق ەلشٸگە.
رەسەيلٸك مينيستر ەكٸ ەلدٸڭ باسشىلارى بەكٸتەتٸن كەلٸسٸمدەر اياسىندا قازاقستان مەن رەسەي ىنتىماقتاستىعىن, ستراتەگييالىق سەرٸكتەستٸگٸن نىعايتۋ جۇمىستارىن بٸرلەسە جالعاستىراتىندارىنا سەنٸم بٸلدٸردٸ.
«سىرتقى ساياسي ٷيلەستٸرۋ تۋرالى ايتا كەلە, قازاقستاندىق ەرٸپتەستەردٸ 2017-2018 جىلدارى بۇۇ قاۋٸپسٸزدٸك كەڭەسٸنٸڭ جۇمىسىنا تۇراقتى ەمەس مٷشە رەتٸندە تابىستى اتسالىسۋىمەن قۇتتىقتايمىن. سيرييا بويىنشا جوعارى دەڭگەيلٸ حالىقارالىق كەزدەسۋلەردە دوستارىمىزدىڭ كٶرسەتكەن كٶمەگٸن جوعارى باعالايمىز. كەزەكتٸ كەزدەسۋ استانادا كەلەسٸ ايدىڭ باسىندا ٶتەدٸ.
قازاقستاننىڭ اقتاۋ قالاسىندا جيىرما جىلدىق كەلٸسسٶزدەردەن كەيٸن كاسپييدٸڭ قۇقىقتىق مەرتەبەسٸ تۋرالى كونۆەنتسيياعا قول قويىلۋىمەن دە قۇتتىقتايمىز», - دەپ اتاپ ٶتتٸ سەرگەي لاۆروۆ.
