Sybailas jemqorlyqqa qarsy qyzmet Bas prokýratýranyń úilestirýimen «ÓKM Operatory» JShS-niń 180 mlrd teńge kóleminde aqsha qarajatyn urlaýdyń aldyn aldy, dep habarlaidy "Ult aqparat" vedomstvonyń baspasóz qyzmetine silteme jasap.
"Ekologiia, geologiia jáne tabiǵi resýrstar ministrliginiń laýazymdy tulǵalary jáne «ÓKM Operatory» JShS basshylyǵy elektr energiiasyn óndiretin 6 qoqys jaǵatyn zaýyt salý úshin jeke uiymdy zańsyz qarjylandyrý jolymen kádege jaratý alymdary túrinde jinalǵan 180 mlrd teńgeni urlaýdy josparlaǵan.
Bul rette elektr energiiasyn memleket 15 jyl ishinde negizsiz joǵary tarif boiynsha satyp alýǵa jáne jeke kompaniiaǵa milliardtaǵan paida ákelýge kepildik berýi kerek bolǵan.
Ýaqtyly qabyldanǵan sharalar nátijesinde atalǵan zańsyz áreketter áshkerelenip, aqshalai qarajat tutqyndaldy" delingen habarlamada.
Qazir ekologiia vitse-ministri men "ÓKM Operatory" JShS burynǵy basshylary qamaýda otyr. Sońǵy sheshimdi sot qabyldaidy. Al ózge aqparat tergeý múddesine sáikes jariia etýge jatpaidy.
