Latyn qarpine ótý biriktirmeidi, Altaidaǵy halyqtardy bóledi. Bul týraly Qyrǵyzstan prezidenti Almazbek Atambaev 20 shildede "Altai órkenieti jáne altai tildik otbasynyń týys halyqtary" halyqaralyq forýmynda málimdedi, - dep habarlaidy AKIpress.
"Bólip al da, bilei ber" degen pantiýrkizm ádisteri bizdiń halyqtarǵa qarsy Resei imperiiasynda da, KSRO-da da qoldanylǵan. Amal ne, buny ǵalymdar da jii qoldanylǵan. Máselen, túrki halyqtarynyń klassifikatsiiasyn toptar boiynsha qarastyryp kóreiik. Olardyń birinde altai, qyrǵyz, qazaq, qaraqalpaq, tarat jáne bashqurt tilderi qypshaq tobyna jatady, onyń quramynda hakastar men shorlar bar, alaida qyrǵyzdardyń ózi joq. Alaida bul halyqtardyń bári bir topta bolýy tiis, sebebi sol tilderdiń ókilderi óz tilderinde bir-birimen eshqandai aýdarmashysyz erkin til almasa alady", - dep keltiredi basylym Qyrǵyzstan basshysynyń sózin.
Sondai-aq, ol qazirgi ýaqytta TMD-nyń latynǵa kóship jatqan keibir elderi jaily aitty. "Bireýler latyn qarpi damyǵan memleketterdiń emlesi degendi aitady. Biraq Qytai men Japoniia latynsyz-aq damydy ǵoi. Biz nege Reseide turyp jatqandardy - bashqurttardy, tatarlardy umytamyz? Olar kirill qarpinde qala beredi ǵoi. Dál solarmen biz tilimizdi damytyp, ózara baiyta alar edik", - dedi Atambaev.
