Búgin Demokratiialyq kúshterdiń "Qazaqstan-2050" jalpyulttyq koalitsiiasynyń otyrysy ótti. Onda latyn álipbiine kóshý máselesi keńinen talqylandy.
Is-shara barysynda "Nur Otan" partiiasy Tóraǵasynyń Birinshi orynbasary Muhtar Qul-Muhammed latynǵa kóshý Elbasymyz usynǵan "Rýhani jańǵyrýdyń" berik irgetasy ekenin aitty. Sondai-aq, Muhtar Qul-Muhammed kirillitsamen jazylǵan ádebi bailyqtarymyzǵa eshqandai qaýip tónbeitinine nazar aýdaryp: "Kirillitsada jasalǵan bar ádebi qundylyq túgeldei kompiýterlik nusqaǵa kóshiriledi. Sondyqtan latynǵa kóshý arqyly rýhani bailyǵymyz tsifrlyq tehnologiia tilinde odan ári órken jaiady. Osyny halyqqa túsindirýdiń kósh basynda ziialy qaýym ókilderi bolýǵa tiis", – dedi.
Sonymen qatar, otyrysta elimizdegi ózge de saiasi partiialardyń jetekshileri, belgili filolog ǵalymdar men til mamandary jáne osy saladaǵy bilikti sarapshylar óz pikirlerin bildirip, latyn alfaviti álemdik órkenietke jol ashatyn mańyzdy qadam ekenin aitty.
Shara sońynda barsha qazaqstandyqtardy jańa bastamany qoldaýǵa shaqyratyn Demokratiialyq kúshterdiń "Qazaqstan-2050" jalpyulttyq koalitsiiasynyń Úndeýi qabyldandy.
