Óskemende latyn qarpinde jazýdan jarys ótti. Bas júlde iegerine qazaqtyń qara dombyrasy berildi, dep habarlaidy "Ult aqparat".
«Latyn grafikasy – órkeniet jazýy» atty aktsiiany oblystyq tilderdi damytý basqarmasy uiymdastyrdy.
– «Rýhani jańǵyrý» baǵdarlamasy aiasynda ótkiziletin is-sharanyń maqsaty – latyn grafikasyndaǵy jańa álipbidiń mán-mańyzyn kópshilikke tanystyrý, turǵyndardyń jańa álipbige qyzyǵýshylyǵyn arttyrý edi. Bul maqsat oryndaldy, – deidi ShQO tilderdi damytý basqarmasynyń basshysy Aidyn Shaimardanov.
Jarys 4 kezeńnen turdy. Birinshi kezeńniń sharty boiynsha sózderdi latyn qarpimen 60 sekýnd ishinde jazý kerek boldy. Bul kezeńge 42 adam qatysty. Kelesi kezeńge ótken 28 qatysýshy maqaldyń ekinshi jartysyn taýyp qana qoimai, 120 sekýnd ishinde onyń jalǵasyn latyn grafikasynda jazdy. Úshinshi kezeńde qatysýshylar kúrdeli sózdiń quramyndaǵy áripterden birneshe sóz jazýdan básekege tústi. Ol kezeńnen 3 saiysker jyldamdyq tanytyp, sońǵy kezeńge ótti. Sońǵy kezeńde kók ekranǵa berilgen sýretterge qarap, sóilem qurastyryp, ony latyn grafikasymen saýatty jazǵan saiyskerlerdiń ishinde Jupar Hýan 1-oryndy, Erlan Magdanov 2-oryndy, Erkejan Muratqyzy 3-oryndy jeńip aldy.
