Latyn álipbiine kóshýde qatelesýge quqyǵymyz joq. Mundai pikirdi búgin QR Parlamenti Senatynda ótip jatqan «Orta bilim berý júiesiniń jai-kúii, problemalary jáne zańnamalyq retteý perspektivalar» taqyrybyna arnalǵan parlamenttik tyńdaý barysynda Senat Tóraǵasy Qasym-Jomart Toqaev aitty, dep habarlaidy QazAqparat.
«Biz strategiialyq mańyzdy mindetti oryndaýymyz qajet. Iaǵni latyn álipbiine kóshýge tiispiz. Memleket basshysy atap ótkendei, qazaq tilin latynǵa kóshirý - bul ǵylym men bilimniń jahandyq júiesine integratsiialanýǵa jasalǵan qadam, bizdiń rýhani birligimizdiń qamtamasyz etilýi», - dedi Senat Tóraǵasy.
Ol qazaq tilin latyn álipbiine kóshirý máselesin sózbuidaǵa salýǵa bolmaityndyǵyn atap ótti. Sonymen qatar bul jumystardy barlyǵyn oilastyra otyryp, birtindep, kúrt serpilissiz júrgizý qajettigin eskertti.
«Degenmen, ony soza berý mánsiz. Bizdiń qatelesýge quqyǵymyz joq», - dedi Qasym-Jomart Toqaev.
