Aqparat jáne kommýnikatsiia ministri Dáýren Abaev senatorlarmen kezdesý barysynda latyn álipbiine kóshken jaǵdaida HQKO-daǵy málimetterdiń joǵalyp ketý qaýpi joq ekenin aitty, - dep habarlaidy "Ult aqparat" kaz.tengrinews.kz portalyna silteme jasap.
Senatorlardyń qazaq tilindegi bazany latyn tiline ózgertkende qujattardyń joǵalyp ketý qaýpi jaily suraǵyna ministr barlyq qujattyń, onyń ishinde elektrondyq qujattardaǵy málimetterdiń tolyqtai saqtalatynyn aitty.
"Avtomattandyrý men tsifrlandyrýǵa qatysty máselelerdiń barlyǵy is-qaǵazdardy júrgizý men jalpy protsesti jeńildetedi. Biz elektrondyq formattaǵy qujattardy latyn tiline ózgertkende belgili bir algoritmdi qoldansaq, iaǵni, bizge tek bir baǵdarlamany qoldaný kerek", - dep túsindirdi depýtattarǵa Dáýren Abaev.
Eske sala keteiik, osyǵan deiin Qazaqstan Prezidenti "Bolashaqqa baǵdar: rýhani jańǵyrý" atty maqalasynda jyl sońyna deiin latyn álipbiine kóshý jobasyn daiarlaýdy usynǵan bolatyn. "Mektep qabyrǵasynda balalarymyz aǵylshyn tilin oqyp, latyn áripterin onsyz da úirenip jatyr. Sondyqtan, jas býyn úshin eshqandai qiyndyq, kedergiler bolmaq emes", - degen edi Memleket basshysy.
