Densaýlyq saqtaý ministrligi Farmatsiia komiteti burynǵy tóraǵasynyń mindetin atqarýshy Larisa Pakqa qatysty qylmystyq isti tergeýge qatysqandardyń ústinen is qozǵaldy, - dep habarlaidy "Ult aqparat" Antikorǵa silteme jasap.
"Sybailas jemqorlyqqa qarsy qyzmet Densaýlyq saqtaý ministrligi Farmatsiia komiteti burynǵy tóraǵasynyń mindetin atqarýshy Larisa Pakqa qatysty qylmystyq isti tergeýge qatysqan Sybailas jemqorlyqqa qarsy is-qimyl ulttyq biýrosynyń burynǵy qyzmetkerleriniń ruqsat etilmegen tergeý ádisterin qoldaný faktisi boiynsha sotqa deiingi tergeýdi bastady.
2017 jyldan bastap 2018 jylǵa deiingi kezeńde jedel-tergeý toby qylmystyq isti tergedi, ol keiinnen qylmys quramynyń bolmaýyna bailanysty toqtatyldy. 2019 jyldyń 6 shildesinde is boiynsha kúdikti L.Iu. Pak qaitys boldy. 2020 jyldyń 7 jeltoqsanynda Sybailas jemqorlyqqa qarsy is-qimyl agenttigi Larisa Pak áreketterinde qylmys quramynyń bolmaýyna bailanysty tolyq aqtalǵanyn habarlady" - delingen vedomstvo málimetinde.
Sybailas jemqorlyqqa qarsy is-qimyl agenttigi taratylǵan sybailas jemqorlyqqa qarsy is-qimyl ulttyq biýrosynyń quqyqtyq murageri retinde Larisa Iýn-Boievna Paktyń týystaryna kóńil aityp, keltirilgen ziian úshin resmi keshirim surady.
Tergeý jalǵasýda. Ózge aqparat tergeý múddesinde jariia etýge jatpaidy.
