Áigili ánshi Lara Fabian men belgili aktrisa ári model Eva Longoriia qazaqstandyq ánshi Dimash Qudaibergendi týǵan kúnimen quttyqtap, video joldady, - dep habarlaidy kaz.tengrinews.kz tilshisi.
Bul týraly ánshiniń PR-direktory Alpamys Sharimov habarlady. Redaktsiiamyzǵa kelip túsken videoda Lara Fabian tilegin aityp, án salyp beredi. "Dimash, bul saǵan arnalady. Men, kórip otyrǵanyńdai, kúieýimmen úidemin. Ol maǵan kómektesedi. Búgin seniń eń mańyzdy kúniń ekenin bilemiz. Bul seniń jaryq álemge kelgen kúniń. Bul kún sondai tamasha kún. Sebebi dál osy kúni sen siiaqty daryndy adam dúniege kelgen kún", - degen ol qazaqstandyq ánshige arnap Happy Birthday to you ánin oryndaidy.
Aita keteiik, Lara Fabian Dimash Qudaibergenniń I am a Singer baiqaýynda Adagio ánin oryndaǵan kezinde millionnan asa jazylýshysy bar paraqshasynda quttyqtap, joǵary baǵasyn bergen edi.
Al aktrisa ári model Eva Longoriia bylai dep quttyqtaidy: "Sálem, Dimash! Bul Eva, saǵan qýanyshty týǵan kún tileimin. Sen óte daryndysyń. Seni tanitynyma óte qýanyshtymyn!".
Dimash Qudaibergen men Eva Longoriia Parijdegi Global Gift Gala gala-keshine qatysqanda tanysqan edi. Sharany amerikalyq aktrisa Eva Longoriia uiymdastyrdy. Ol óziniń "The Eva Longoria Foundation" qaiyrymdylyq qoryn tanystyrǵan edi.
Eske salaiyq, 24 mamyr - Dimash Qudaibergenniń týǵan kúni. Ánshi 23 jasqa tolyp otyr. Qytaidyń jankúierleri qazaqstandyq ánshiniń týǵan kúnin bir apta buryn bastap ketken. Taiaýda ánshi Shanhai qalasynda óner kórsetip, tyńdarmandarynyń yqylasyna bólengen. Sodan beri ánshige túsip jatqan quttyqtaýlarda san joq. Syilyqtary óte kóp. Buǵan ánshiniń ókili redaktsiiamyzǵa joldaǵan sýretteri dálel.
