Foto:instagram.com/anel.bermaganbet
Jumysqa ornalastyramyz degen halyqaralyq alaiaqtardyń qurbany bolǵan Anel Bermaǵanbetova bosatyldy. Bul týraly qyzdyń aǵasy Qanat Bermaǵanbetov málim etti, - dep habarlaidy Tengrinews.kz agenttigi.
QR Syrtqy ister ministrligi Aneldiń bosatylǵany týraly aqparatty rastady.
Aǵasynyń aitýynsha, endi Aneldiń bostandyǵy men ómirine qaýip joq. Ony otbasy úiinde kútip otyr.
"Jaqsy jańalyqty bóliseiin dep edim. Anel qazir meniń dosymmen Chandradan Bangkokqa ushyp shyqty, sol jerden Qazaqstanǵa ushady. Biraq ony bosatý úshin óte kóp kúsh jumyldyryldy: Syrtqy ister ministrligi, Ishki ister ministrligi, Qazaqstan Respýblikasy Prezidenti apparaty.
Odan keiin Interpol, Reseidiń Laostaǵy elshiligi, Vetnamdaǵy Qazaqstan elshiligi bailanysqa shyqty. Osy kúshterdiń báriniń is-áreketin úilestirý múmkin boldy. Aneldiń derekteri Laos úkimeti, Laostyń adam saýdasymen kúres departamenti jáne basqa uiymdarǵa berildi", - dedi Aneldiń aǵasy.
Qanattyń aitýynsha, barlyq qyzmet barynsha jyldam jumys istegen.
"Keshegi kúnge deiin barlyq sát pysyqtaldy. Keshe, 25 tamyzda Aneldi politsiia bólimshesine shaqyryp, ony shekaraǵa jetkizetinin habarlady (jumys berýshiler - esk.). Biraq 5 myń dollar shyǵyndy tóleýimiz kerek. Sheshim qabyldaýǵa birneshe sekýndym boldy. Kelistim, óitkeni qaryndasymdy sol jerden tezirek qutqarý kerek ekenin túsindim. Aqshany kriptovaliýtamen aýdarý kerek edi", - dedi Bermaǵanbetov.
Qaryndasynyń tólqujatyna mór qoiylǵannan keiin, Qanat qajet somany "jumys berýshilerdiń" kriptovaliýta ámiianyna aýdarǵan.
"Aneldi qaiyqqa otyrǵyzdy, ol Tailand shekarasyna aman-esen jetti. Tólqujat baqylaýynan ótti. Onda ony dosym Vlad kútip aldy. Endi biz Aneldiń úige oralýyn asyǵa kútemiz", - dedi ol.
Eske salaiyq, buǵan deiin Jelide Laostaǵy qazaqstandyq kómek suraǵany habarlanǵan bolatyn.
