فوتو:instagram.com/anel.bermaganbet
جۇمىسقا ورنالاستىرامىز دەگەن حالىقارالىق الاياقتاردىڭ قۇربانى بولعان انەل بەرماعانبەتوۆا بوساتىلدى. بۇل تۋرالى قىزدىڭ اعاسى قانات بەرماعانبەتوۆ مەلٸم ەتتٸ, - دەپ حابارلايدى Tengrinews.kz اگەنتتٸگٸ.
قر سىرتقى ٸستەر مينيسترلٸگٸ انەلدٸڭ بوساتىلعانى تۋرالى اقپاراتتى راستادى.
اعاسىنىڭ ايتۋىنشا, ەندٸ انەلدٸڭ بوستاندىعى مەن ٶمٸرٸنە قاۋٸپ جوق. ونى وتباسى ٷيٸندە كٷتٸپ وتىر.
"جاقسى جاڭالىقتى بٶلٸسەيٸن دەپ ەدٸم. انەل قازٸر مەنٸڭ دوسىممەن چاندرادان بانگكوكقا ۇشىپ شىقتى, سول جەردەن قازاقستانعا ۇشادى. بٸراق ونى بوساتۋ ٷشٸن ٶتە كٶپ كٷش جۇمىلدىرىلدى: سىرتقى ٸستەر مينيسترلٸگٸ, ٸشكٸ ٸستەر مينيسترلٸگٸ, قازاقستان رەسپۋبليكاسى پرەزيدەنتٸ اپپاراتى.
ودان كەيٸن ينتەرپول, رەسەيدٸڭ لاوستاعى ەلشٸلٸگٸ, ۆەتنامداعى قازاقستان ەلشٸلٸگٸ بايلانىسقا شىقتى. وسى كٷشتەردٸڭ بەرٸنٸڭ ٸس-ەرەكەتٸن ٷيلەستٸرۋ مٷمكٸن بولدى. انەلدٸڭ دەرەكتەرٸ لاوس ٷكٸمەتٸ, لاوستىڭ ادام ساۋداسىمەن كٷرەس دەپارتامەنتٸ جەنە باسقا ۇيىمدارعا بەرٸلدٸ", - دەدٸ انەلدٸڭ اعاسى.
قاناتتىڭ ايتۋىنشا, بارلىق قىزمەت بارىنشا جىلدام جۇمىس ٸستەگەن.
"كەشەگٸ كٷنگە دەيٸن بارلىق سەت پىسىقتالدى. كەشە, 25 تامىزدا انەلدٸ پوليتسييا بٶلٸمشەسٸنە شاقىرىپ, ونى شەكاراعا جەتكٸزەتٸنٸن حابارلادى (جۇمىس بەرۋشٸلەر - ەسك.). بٸراق 5 مىڭ دوللار شىعىندى تٶلەۋٸمٸز كەرەك. شەشٸم قابىلداۋعا بٸرنەشە سەكۋندىم بولدى. كەلٸستٸم, ٶيتكەنٸ قارىنداسىمدى سول جەردەن تەزٸرەك قۇتقارۋ كەرەك ەكەنٸن تٷسٸندٸم. اقشانى كريپتوۆاليۋتامەن اۋدارۋ كەرەك ەدٸ", - دەدٸ بەرماعانبەتوۆ.
قارىنداسىنىڭ تٶلقۇجاتىنا مٶر قويىلعاننان كەيٸن, قانات قاجەت سومانى "جۇمىس بەرۋشٸلەردٸڭ" كريپتوۆاليۋتا ەمييانىنا اۋدارعان.
"انەلدٸ قايىققا وتىرعىزدى, ول تايلاند شەكاراسىنا امان-ەسەن جەتتٸ. تٶلقۇجات باقىلاۋىنان ٶتتٸ. وندا ونى دوسىم ۆلاد كٷتٸپ الدى. ەندٸ بٸز انەلدٸڭ ٷيگە ورالۋىن اسىعا كٷتەمٸز", - دەدٸ ول.
ەسكە سالايىق, بۇعان دەيٸن جەلٸدە لاوستاعى قازاقستاندىق كٶمەك سۇراعانى حابارلانعان بولاتىن.
