"Búgin Astanada ekstremizm men terrorizmniń aldyn alý jáne onyń jolyn kesý máselelerine arnalǵan dóńgelek ústel otyrysy barysynda QR Ulttyq qaýipsizdik komiteti tóraǵasynyń orynbasary Nurǵali Bilisbekov málim etkendei, budan bylai lańkestikke qarsy operatsiia barysynda 1-2 shaqyrym radiýsta uialy bailanysqa tosqaýyl qoiylatyn bolady", - dep habarlaidy Ult.kz tilshisi QazAqparat agenttigine silteme jasap.
«Lańkestikke qarsy operatsiia júrgizý tiimdiligin arttyrý maqsatynda 1-2 shaqyrymdyq lokaldy aimaq radiýsynda jelini buǵattaý úshin sáikesinshe tehnikalyq quraldar satyp alý máselesi qarastyrylýda. Bul lańkesterdiń qoldan jasalǵan jarylǵysh qurylǵylardy iske qosý, sonymen qatar terroristik aktini júzege asyrý kezinde bir-birimen habarlasý úshin bailanys quraldaryn paidalanýyn boldyrmaýǵa bailanysty qolǵa alynbaq», - dedi ol.
Bilisbekovtyń aitýynsha, ishki ister organdarynyń jedel basqarý ortalyqtaryna qosylǵan beine baqylaý kameralarynyń sanyn 4 myńnan 51 myńǵa deiin ulǵaitý da josparlanýda.
QR UQK tóraǵasynyń orynbasary lańkestik qaýipke monitoring jasaý jáne ony der ýaqytynda alýdyń mańyzdy elementi halyqtyń kommýnikatsiialyq múmkinshiligin paidalaný bolyp otyrǵanyn jetkizdi. Bul maqsattarǵa Aqparat jáne kommýnikatsiialar ministrligi úsh sandy «110» nómirin bóldi. Ol UQK-nyń barlyq territoriialyq organdaryna qosylǵan. Qalalyq jáne aýdandyq telefon stansalarynyń abonenterimen de turaqty bailanys qamtamasyz etilgen. Endigi ýaqytta KCell, Activ, Altel jáne Tele-2 uialy bailanys operatorlaryn «110» biryńǵai nómirine qosý máselesi qarastyrylýda.
«Respýblika territoriiasynda terroristik qaýiptiń «sary» deńgeii engizilgennen beri halyqtyń aqparattyq belsendiligi 2 esege jýyq artty. Ai saiyn ulttyq qaýipsizdik organdaryna kúdikti zattar, teraktige daiyndyq belgilerine qatysty 50-ge deiin dabyl túsip, oǵan orai jedel qyzmetter shuǵyl áreket jasaidy», - dedi N.Bilisbekov.
inform.kz
