"بٷگٸن استانادا ەكسترەميزم مەن تەرروريزمنٸڭ الدىن الۋ جەنە ونىڭ جولىن كەسۋ مەسەلەلەرٸنە ارنالعان دٶڭگەلەك ٷستەل وتىرىسى بارىسىندا قر ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى نۇرعالي بٸلٸسبەكوۆ مەلٸم ەتكەندەي, بۇدان بىلاي لاڭكەستٸككە قارسى وپەراتسييا بارىسىندا 1-2 شاقىرىم راديۋستا ۇيالى بايلانىسقا توسقاۋىل قويىلاتىن بولادى", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«لاڭكەستٸككە قارسى وپەراتسييا جٷرگٸزۋ تيٸمدٸلٸگٸن ارتتىرۋ ماقساتىندا 1-2 شاقىرىمدىق لوكالدى ايماق راديۋسىندا جەلٸنٸ بۇعاتتاۋ ٷشٸن سەيكەسٸنشە تەحنيكالىق قۇرالدار ساتىپ الۋ مەسەلەسٸ قاراستىرىلۋدا. بۇل لاڭكەستەردٸڭ قولدان جاسالعان جارىلعىش قۇرىلعىلاردى ٸسكە قوسۋ, سونىمەن قاتار تەرروريستٸك اكتٸنٸ جٷزەگە اسىرۋ كەزٸندە بٸر-بٸرٸمەن حابارلاسۋ ٷشٸن بايلانىس قۇرالدارىن پايدالانۋىن بولدىرماۋعا بايلانىستى قولعا الىنباق», - دەدٸ ول.
بٸلٸسبەكوۆتىڭ ايتۋىنشا, ٸشكٸ ٸستەر ورگاندارىنىڭ جەدەل باسقارۋ ورتالىقتارىنا قوسىلعان بەينە باقىلاۋ كامەرالارىنىڭ سانىن 4 مىڭنان 51 مىڭعا دەيٸن ۇلعايتۋ دا جوسپارلانۋدا.
قر ۇقك تٶراعاسىنىڭ ورىنباسارى لاڭكەستٸك قاۋٸپكە مونيتورينگ جاساۋ جەنە ونى دەر ۋاقىتىندا الۋدىڭ ماڭىزدى ەلەمەنتٸ حالىقتىڭ كوممۋنيكاتسييالىق مٷمكٸنشٸلٸگٸن پايدالانۋ بولىپ وتىرعانىن جەتكٸزدٸ. بۇل ماقساتتارعا اقپارات جەنە كوممۋنيكاتسييالار مينيسترلٸگٸ ٷش ساندى «110» نٶمٸرٸن بٶلدٸ. ول ۇقك-نىڭ بارلىق تەرريتورييالىق ورگاندارىنا قوسىلعان. قالالىق جەنە اۋداندىق تەلەفون ستانسالارىنىڭ ابونەنتەرٸمەن دە تۇراقتى بايلانىس قامتاماسىز ەتٸلگەن. ەندٸگٸ ۋاقىتتا KCell, Activ, Altel جەنە Tele-2 ۇيالى بايلانىس وپەراتورلارىن «110» بٸرىڭعاي نٶمٸرٸنە قوسۋ مەسەلەسٸ قاراستىرىلۋدا.
«رەسپۋبليكا تەرريتوريياسىندا تەرروريستٸك قاۋٸپتٸڭ «سارى» دەڭگەيٸ ەنگٸزٸلگەننەن بەرٸ حالىقتىڭ اقپاراتتىق بەلسەندٸلٸگٸ 2 ەسەگە جۋىق ارتتى. اي سايىن ۇلتتىق قاۋٸپسٸزدٸك ورگاندارىنا كٷدٸكتٸ زاتتار, تەراكتٸگە دايىندىق بەلگٸلەرٸنە قاتىستى 50-گە دەيٸن دابىل تٷسٸپ, وعان وراي جەدەل قىزمەتتەر شۇعىل ەرەكەت جاسايدى», - دەدٸ ن.بٸلٸسبەكوۆ.
inform.kz
