Astanada Threads áleýmettik jelisi arqyly kontsertke jalǵan bilet satqan 30 jastaǵy er adam sottaldy, dep habarlaidy ult.kz.
Qala prokýratýrasynyń málimetinshe, er adam aldymen resmi saittan eki bilet satyp alǵan. Keiin olardyń derekterin ózgertip, áleýmettik jelide satylymǵa shyǵarǵan.
Jalǵan habarlandyrýǵa eki adam jaýap bergen. Olardyń biri kámeletke tolmaǵan. Satyp alýshylar satýshyǵa tiisinshe 50 myń jáne 40 myń teńge aýdarǵan.
Aqshany alǵannan keiin er adam ekeýin de buǵattap, bailanysqa shyqpai qoiǵan. Osylaisha, keltirilgen jalpy shyǵyn 90 myń teńgeni quraǵan.
Sotta aiyptalýshy kinásin tolyq moiyndap, keltirilgen shyǵyndy ótegen. Osy mán-jailar eskerilip, oǵan eki jylǵa bas bostandyǵyn shekteý jazasy taǵaiyndaldy. Sondai-aq jazanyń búkil merziminde probatsiialyq baqylaý belgilendi.
Úkim zańdy kúshine endi.
Astana prokýratýrasy azamattardy kontsert biletterin tek resmi kózderden satyp alýǵa jáne áleýmettik jelilerdegi beitanys satýshylarǵa aqsha aýdarmaýǵa shaqyrdy.
