Elimizdiń birqatar óńirinde lańkesterge qarsy operatsiia rejimi saqtalady. Bul týraly QR Memlekettik hatshysy Erlan Qarin málim etti, dep habarlaidy QazAqparat.
Memlekettik hatshy «Habar 24» telearnasyna bergen suhbatynda elimizdiń aýmaǵynda oryn alǵan oqiǵalarǵa qatysty arnaýly qyzmetter men quqyq qorǵaý organdar óte aýqymdy qujattar men materialdardy óńdeýi qajettigin aitady.
«Bul árine, naqty bir kúsh-jigerdi talap etedi. Buǵan qosa, arnaýly qyzmetter radikaldy uiashyqtardy, terrorshylardy anyqtaý jáne ustaýǵa baǵyttalǵan is-sharalardy jalǵastyryp jatyr. Sondyqtan tótenshe jaǵdai rejimi alynǵanymen lańkesterge qarsy operatsiia rejimi birqatar óńirde saqtalady. Bul arnaýly qyzmetterdiń atalǵan qaterge úlken mán beretindigin, sol qaterdiń kózderin anyqtap, joiý jalǵasatyndyǵyn bildiredi», - dedi Erlan Qarin.
