© Sputnik
Qulsary qalasynda 11 jastaǵy balany basyp óltirgen zeinetkerdi túrmege qamaýǵa sheshim shyǵaryldy, dep habarlaidy Sputnik Qazaqstan saity "Aq Jaiyq" portalyna silteme jasap.
Qylmystyq is Jylyoi aýdandyq sotynda qaraldy. 73 jastaǵy er adam óz kinásin moiyndady. Sotta jol apaty bolǵan jerdegi beinejazbalar da kórsetildi. Saraptamanyń nátijesi jariialandy. Sonyń barlyǵy zeinetkerdiń kinásin rastap otyr. Prokýror ony 2 jylǵa bas bostandyǵynan aiyrýdy surady. Al advokaty zań boiynsha úkim shyǵarýdy ótindi.
Sýdia zeinetkerdiń jasyn, densaýlyǵyn, shyn júrekten ókinetinin eskerdi. Moraldyq shyǵyndy da ótep berdi. Ony eki jarym jylǵa bas bostandyǵynan aiyrýǵa sheshim shyǵaryldy. Oǵan qosa, 3 jyl boiy kólik júrgizýge tyiym salynyp otyr.
Aita keteiik, 20 qazanda tańǵy saǵat 8:00-de Qulsary qalasynda 5-synyp oqýshysy "Kóktem" dúkeniniń janynda joldy kesip ótpekshi bolǵan. Sol kezde ony Toyota Land Cruiser Prado mingen zeinetker basyp ketken. Bala oqiǵa ornynda qaitys boldy.
