© Sputnik
قۇلسارى قالاسىندا 11 جاستاعى بالانى باسىپ ٶلتٸرگەن زەينەتكەردٸ تٷرمەگە قاماۋعا شەشٸم شىعارىلدى, دەپ حابارلايدى Sputnik قازاقستان سايتى "اق جايىق" پورتالىنا سٸلتەمە جاساپ.
قىلمىستىق ٸس جىلىوي اۋداندىق سوتىندا قارالدى. 73 جاستاعى ەر ادام ٶز كٸنەسٸن مويىندادى. سوتتا جول اپاتى بولعان جەردەگٸ بەينەجازبالار دا كٶرسەتٸلدٸ. ساراپتامانىڭ نەتيجەسٸ جارييالاندى. سونىڭ بارلىعى زەينەتكەردٸڭ كٸنەسٸن راستاپ وتىر. پروكۋرور ونى 2 جىلعا باس بوستاندىعىنان ايىرۋدى سۇرادى. ال ادۆوكاتى زاڭ بويىنشا ٷكٸم شىعارۋدى ٶتٸندٸ.
سۋديا زەينەتكەردٸڭ جاسىن, دەنساۋلىعىن, شىن جٷرەكتەن ٶكٸنەتٸنٸن ەسكەردٸ. مورالدىق شىعىندى دا ٶتەپ بەردٸ. ونى ەكٸ جارىم جىلعا باس بوستاندىعىنان ايىرۋعا شەشٸم شىعارىلدى. وعان قوسا, 3 جىل بويى كٶلٸك جٷرگٸزۋگە تىيىم سالىنىپ وتىر.
ايتا كەتەيٸك, 20 قازاندا تاڭعى ساعات 8:00-دە قۇلسارى قالاسىندا 5-سىنىپ وقۋشىسى "كٶكتەم" دٷكەنٸنٸڭ جانىندا جولدى كەسٸپ ٶتپەكشٸ بولعان. سول كەزدە ونى Toyota Land Cruiser Prado مٸنگەن زەينەتكەر باسىپ كەتكەن. بالا وقيعا ورنىندا قايتىس بولدى.
