Belgili telejúrgizýshi Láilá Sultanqyzy áleýmettik jelidegi jeke paraqshasyna ózine keletin ádepsiz habarlamalar týraly jazba jariialady, dep habarlaidy ult.kz.
Todayinfo.kz saity málimetinshe, telejúrgizýshi Instagram jelisindegi jeke hattarǵa úilengen, otbasy bar er azamattardan uiatsyz usynystar jii túsetinin jazǵan.
«Búgin Instagram-daǵy direktimdi ashyp, hattardy qarap otyrsam, aramyzda ádep sheginen shyǵatyn adamdar kóp eken. Birneshe paraqshaǵa kirip qarasam, bári de úilengen, úlgili otaǵasy, bala-shaǵaly azamattar. Skrinshot jasap, jariialaiyn dep edim, áielderin aiap, raiymnan qaittym», – dep jazdy telejúrgizýshi.
Jeli qoldanýshylary onyń jazbasyna pikir qaldyryp, mundai áreketke barǵandardyń betin ashý qajet ekenin aitty.
«Áielderiniń kózi ashylsyn», «Aiamai jariialańyz», «Mundailardy jasyrýdyń qajeti joq» degen pikirler qaldyrǵan oqyrmandar az bolǵan joq.
