Foto: #NeMolchiKZ
Almaty qalasynda Úndistan azamaty 17 jastaǵy jasóspirim qyzǵa jynystyq qol suǵý áreketterin jasaǵan, dep habarlaidy Ult.kz #NeMolchiKZ qoryna silteme jasap.2025 jylǵy 24 jeltoqsanda kolledjdiń 17 jastaǵy stýdenti sabaqtan úiine qaityp kele jatqanda oǵan sheteldik er adam jaqyndap kelip, aýdarmashy arqyly jazylǵan mátindi kórsetken, onda: «Meniń qyzym qaitys boldy, maǵan qushaq kerek» dep jazylǵan. Qyz habarlamany oqyǵannan keiin er adam ony intimdik jerlerinen ashyqtan ashyq ustai bastaǵan.
Oqiǵa ornyna politsiia shaqyrylyp, aryz jazylǵan. Alaida qylmystyq is qozǵaýdan bas tartylyp, Úndistan azamatynyń áreketi ákimshilik quqyqbuzýshylyq — usaq buzaqylyq baby boiynsha saralanǵan. Is sotta qaralǵan. Qazirgi tańda onyń áreketterinde qylmystyq quqyqbuzýshylyq belgileriniń bar-joǵy tekserilip jatyr.
Jábirlenýshi qyzdyń múgedektigi joq, degenmen ol bul oqiǵany ót aýyr qabyldaǵan.
Keiinirek qosymsha zaqymdar bar ekeni anyqtaldy jáne qyz kámeletke tolmaǵan. Tipti moraldyq ziiandy óteý máselesi de zańǵa sáikes jaýapkershilik qarastyrylýy tiis dep esepteidi #NeMolchiKZ qory.
"Basqa da jábirlenýshiler bolýy múmkin. Osyndai jaǵdaiǵa tap bolǵandar bolsa, bizge jazýdy suraimyz. Qylmys Almaty qalasynyń Almaly aýdanynda bolǵan. Qazirgi tańda jaǵdai áli de tolyq anyq emes. Politsiia men prokýratýranyń resmi baspasóz habarlamasyn kútip otyrmyz", - dep jazdy qor.
