Qyzylorda qalasynda A.Toqmaǵambetov atyndaǵy mádeniet úiinde oblystyq «Jas Otan» Jastar qanatynyń jyldyq qorytyndy keshi ótti. 2018 jyl Qyzylorda oblystyq «Jas Otan» Jastar qanatyna tabysty jyl boldy deýge bolady. Aimaqtaǵy kitaphanalardy zaman talabyna sai jańǵyrtyp jastarǵa tartymdy etip, qala, aýdan ortalyǵyndaǵy kitaphanalar «Bilim ortalyqtaryna» ainaldy.
Jastar qanatynyń bastamasymen «English for jastar» jobasy aiasynda oblystyń barlyq 7 aýdanynda 11 erikti aǵylshyn tilin oqýshylarǵa tegin oqytty. Qazirgi tańda oblysta 350 oqýshy aǵylshyn tilin tegin úirenip, deńgeilerin arttyrýda.
Respýblikalyq «Jas Otan» JQ Sezdiniń izimen Qyzylorda oblysynda «Jas Otan» Jastar qanatynyń uiymdastyrýymen 500 jastyń qatysýymen «Jańa álemdegi jastar kelbeti» atty oblystyq jastar forýmy uiymdastyryldy. Forýmǵa oblys ákimi Q.E. Kósherbaev arnaiy qatysqan. Forýmnyń qorytyndysymen «Jańa álemdegi jastar kelbeti» atty 2021 jylǵa deiingi tujyrymdama qabyldanyp júieli jumystar júrgizilýde.
Jyldyq qorytyndy keshte oblystyq «Jas Otan» JQ tóraǵasy T.Tiles jastar jyly qarsańynda «Jastar jylyndaǵy jetistigiń» atty respýblikalyq aktsiiasyn jariialady. Bul aktsiiaǵa elimizdiń barsha jastary úles qosyp qatysa alady.
Aktsiia maqsaty elimizdegi barsha jastardy jastar jylynda ómirindegi mańyzdy jetistikke jetýine úndeý, shaqyrý bolyp tabylady. Aktsiia 2019 jyldyń jeltoqsan aiynyń 10 kúnine deiin jalǵasatyn bolady. Aktsiiaǵa qatysý jastar arasynda keńinen tanymal (Facebook, Instagram) áleýmettik jelileri arqyly júzege asady. Aktsiiaǵa qatysýǵa nietti árbir jas atalǵan áleýmettik jelilerde jastar jylyndaǵy jetken óziniń jetistigin #JJJ2019 heshtegimen jariialaidy.
«Jastar jylynda jastyq jalynymyzben jalyndap, elimizdiń damýyna barshamyz úles qosaiyq. Mysaly jastar jynda jas dáriger óziniń alǵashqy nemese eń qiyn operatsiiasyn jasaýy múmkin, jas ǵalym jańa joba nemese ǵylymi jańalyq ashýy múmkin, jas sportshylar elimizdiń bairaǵyn jelbiretýi múmkin, jas aqyn nemese jazýshy óziniń jańa kitabyn, eńbegin aiaqtaýy múmkin, jas eginshi rekordtyq ónim alýy múmkin. «Aktsiiaǵa barsha elimizdiń jastaryn belsene qatysýǵa shaqyramyn» dedi óz sózinde T.Tiles.
2019 jyldyń jeltoqsan aiynda «Jastar jylyndaǵy jetistigiń» aktsiiasy qorytyndysy resmi jariialanyp, aktsiiaǵa qatysýshy jastardyń jetistikteri keńinen nasihattalatyn bolady.
