قىزىلوردا قالاسىندا ا.توقماعامبەتوۆ اتىنداعى مەدەنيەت ٷيٸندە وبلىستىق «جاس وتان» جاستار قاناتىنىڭ جىلدىق قورىتىندى كەشٸ ٶتتٸ. 2018 جىل قىزىلوردا وبلىستىق «جاس وتان» جاستار قاناتىنا تابىستى جىل بولدى دەۋگە بولادى. ايماقتاعى كٸتاپحانالاردى زامان تالابىنا ساي جاڭعىرتىپ جاستارعا تارتىمدى ەتٸپ, قالا, اۋدان ورتالىعىنداعى كٸتاپحانالار «بٸلٸم ورتالىقتارىنا» اينالدى.
جاستار قاناتىنىڭ باستاماسىمەن «English for jastar» جوباسى اياسىندا وبلىستىڭ بارلىق 7 اۋدانىندا 11 ەرٸكتٸ اعىلشىن تٸلٸن وقۋشىلارعا تەگٸن وقىتتى. قازٸرگٸ تاڭدا وبلىستا 350 وقۋشى اعىلشىن تٸلٸن تەگٸن ٷيرەنٸپ, دەڭگەيلەرٸن ارتتىرۋدا.
رەسپۋبليكالىق «جاس وتان» جق سەزدٸنٸڭ ٸزٸمەن قىزىلوردا وبلىسىندا «جاس وتان» جاستار قاناتىنىڭ ۇيىمداستىرۋىمەن 500 جاستىڭ قاتىسۋىمەن «جاڭا ەلەمدەگٸ جاستار كەلبەتٸ» اتتى وبلىستىق جاستار فورۋمى ۇيىمداستىرىلدى. فورۋمعا وبلىس ەكٸمٸ ق.ە. كٶشەرباەۆ ارنايى قاتىسقان. فورۋمنىڭ قورىتىندىسىمەن «جاڭا ەلەمدەگٸ جاستار كەلبەتٸ» اتتى 2021 جىلعا دەيٸنگٸ تۇجىرىمداما قابىلدانىپ جٷيەلٸ جۇمىستار جٷرگٸزٸلۋدە.
جىلدىق قورىتىندى كەشتە وبلىستىق «جاس وتان» جق تٶراعاسى ت.تٸلەس جاستار جىلى قارساڭىندا «جاستار جىلىنداعى جەتٸستٸگٸڭ» اتتى رەسپۋبليكالىق اكتسيياسىن جارييالادى. بۇل اكتسيياعا ەلٸمٸزدٸڭ بارشا جاستارى ٷلەس قوسىپ قاتىسا الادى.
اكتسييا ماقساتى ەلٸمٸزدەگٸ بارشا جاستاردى جاستار جىلىندا ٶمٸرٸندەگٸ ماڭىزدى جەتٸستٸككە جەتۋٸنە ٷندەۋ, شاقىرۋ بولىپ تابىلادى. اكتسييا 2019 جىلدىڭ جەلتوقسان ايىنىڭ 10 كٷنٸنە دەيٸن جالعاساتىن بولادى. اكتسيياعا قاتىسۋ جاستار اراسىندا كەڭٸنەن تانىمال (Facebook, Instagram) ەلەۋمەتتٸك جەلٸلەرٸ ارقىلى جٷزەگە اسادى. اكتسيياعا قاتىسۋعا نيەتتٸ ەربٸر جاس اتالعان ەلەۋمەتتٸك جەلٸلەردە جاستار جىلىنداعى جەتكەن ٶزٸنٸڭ جەتٸستٸگٸن #JJJ2019 حەشتەگٸمەن جارييالايدى.
«جاستار جىلىندا جاستىق جالىنىمىزبەن جالىنداپ, ەلٸمٸزدٸڭ دامۋىنا بارشامىز ٷلەس قوسايىق. مىسالى جاستار جىندا جاس دەرٸگەر ٶزٸنٸڭ العاشقى نەمەسە ەڭ قيىن وپەراتسيياسىن جاساۋى مٷمكٸن, جاس عالىم جاڭا جوبا نەمەسە عىلىمي جاڭالىق اشۋى مٷمكٸن, جاس سپورتشىلار ەلٸمٸزدٸڭ بايراعىن جەلبٸرەتۋٸ مٷمكٸن, جاس اقىن نەمەسە جازۋشى ٶزٸنٸڭ جاڭا كٸتابىن, ەڭبەگٸن اياقتاۋى مٷمكٸن, جاس ەگٸنشٸ رەكوردتىق ٶنٸم الۋى مٷمكٸن. «اكتسيياعا بارشا ەلٸمٸزدٸڭ جاستارىن بەلسەنە قاتىسۋعا شاقىرامىن» دەدٸ ٶز سٶزٸندە ت.تٸلەس.
2019 جىلدىڭ جەلتوقسان ايىندا «جاستار جىلىنداعى جەتٸستٸگٸڭ» اكتسيياسى قورىتىندىسى رەسمي جارييالانىپ, اكتسيياعا قاتىسۋشى جاستاردىڭ جەتٸستٸكتەرٸ كەڭٸنەن ناسيحاتتالاتىن بولادى.
