Qyzylorda oblysynda sońǵy aptada 200 ottegi kontsentratory alyndy, dep habarlaidy "Ult aqparat".
«Oblysta epidemiologiialyq ahýal kúrdelengen kezde kislorodty ballondardy, jasandy ókpe jeldetkish apparaty, ottegi kontsentratoryn paidalaný sany kúrt artqan bolatyn. Al búgingi tańda oǵan qajettilik azaiyp otyr. Kúni keshe «Shuǵyla» qaiyrymdylyq qory esebinen 200 ottegi kontsentratory aimaǵymyzǵa jetkizildi. Atalǵan qural-jabdyqtar meditsinalyq mekemelerge taratyldy. Atalǵan qurylǵynyń sany 353 jabdyqty qurady», - dep málim etti oblystyq densaýlyq saqtaý basqarmasynyń basshysy Sabit Pazilov.
Onyń aitýynsha, oblysta naýqastarǵa arnalǵan 2 405 oryn bar. Onyń 645-i infektsiialyq tósek oryn bolsa, 1 760-y provizorlyq.
«Búgingi kúni infektsiialyq statsionarda 263 naýqas, provizorlyq statsionarda 573 azamat em alýda. Júkteme infektsiialyq statsionarda 41 paiyzdy qurasa, provizorlyq statsionarda 33 paiyz. Sondai-aq, provizorlyq tósekterge suranystyń azaiýyna bailanysty Temirjol aýrýhanasyndaǵy 40 tósek pen teri-venerologiialyq dispanserindegi 60 tósek oryn óziniń jumysyn toqtatty. Tamyz aiynyń basynan bastap josparly túrde aýrýhanalarǵa jatý jumystary da kezeń-kezeńimen iske asyrylady», - dedi basqarma basshysy.
