Búgin Qyzylordada oblys ákimdigi men Kásipkerler palatasynyń uiymdastyrýmen «Qazaqstannyń úzdik taýary - 2018» oblystyq kórme-baiqaýy ótti.
Sharaǵa «Nur Otan» partiiasy oblystyq filialy tóraǵasynyń birinshi orynbasary Ibadýlla Quttyqojaev qatysyp, kórme jumysyn kórdi, jergilikti taýaróndirýshilerdiń ónimderimen tanysty.
Biyl oblystyq kórme-baiqaýǵa 34 kásipker qatysýǵa niet bildirdi. Aita ketý kerek, 2016 jyly qatysýshylar sany 17, 2017 jyly 22 bolǵan. Kórsetkish kórsetkendei, jyl ótken saiyn aimaq kásipkerleri kórme-baiqaýǵa belsendi qatysýda.
Munan ózge, shara aiasynda oblystyń ózge de taýaróndirýshileri halyqqa óz ónimderin usyndy. Baiqaýdan óńirdiń ár aýdan, aýylynan kelip, kórmege qatysýshy taýaróndirýshiler sany – 35. Kóńil qýantarlyq jait, bul kásipkerlerdiń arasynda ótken jyly ǵana «Bastaý» jobasyna qatysyp, bilimin jetildirip, kásibin ashqan jandar bar. Búgin mine, alǵan biliminen nátije kórsetip, ónimderin halyqqa usynýda.
«Qazaqstannyń úzdik taýary» kórme-baiqaýyn uiymdastyrýda biylǵy jyly aitarlyqtai ózgerister bar. Máselen, biylǵy jyldan bastap sharany ótkizýdi oblys ákimdigi qarjylandyrýda.
Munan ózge, jeńimpazdardy dárejesine qarai bólý (I, II, III oryn dep) de alynyp tastaldy. Kórme-baiqaýdy 2015 jyldan bastap uiymdastyryp kele jatqan «Atameken» Ulttyq kásipkerler palatasy bul qadamdy «Jeńimpaz bolǵan taýarlar túrli taýar tobyna jatady, olardyń tutynýshylyq quramy eki jaǵdaida da joǵary deńgeide. Úsh atalymda teńdei úsh jeńimpaz anyqtalady», - dep túsindiredi.
Sonymen, úsh atalym (nominatsiia) boiynsha ótken «Qazaqstannyń úzdik taýary - 2018» oblystyq kórme-baiqaýynda tómendegi atalymdar boiynsha jeńimpaz atanǵan kásipkerlerdi «Nur Otan» partiiasy oblystyq filialy tóraǵasynyń birinshi orynbasary Ibadýlla Quttyqojaev marapattady:
«Óndiristik maqsattaǵy úzdik taýarlar» atalymy boiynsha:
«Qazaqstannyń Munai Himiialyq «Kemikal» kompaniiasy» JShS – 2009 jyly qurylǵan. Kompaniia Qyzylorda oblysy, Shieli aýdanynda jumys jasaidy. Óndiretin ónimi: ónerkásiptik trýba. Qýattylyǵy: jylyna 8 qýma metr (8 pogonnyh metrov v god). Jumys orny: 104 adam. Taýardy taratý aýmaǵy: Qyzylorda oblysy.
«Asem tas» JShS – 2015 jyly qurylǵan. Qyzylorda oblysy, Jańaqorǵan aýdanynda jumys jasaidy. Kásipker beton ónimderi men trotýarǵa arnalǵan brýschatkanyń túr-túrin óndiredi. Búginde lego kirpishterin de jasaýda. Qýattylyǵy: 4500 sharshy metr. 10 adamdy jumyspen qamtyp otyr. Taýardy taratý aýmaǵy: Qazaqstan Respýblikasy.
«Janzere» JShS – 2010 jyly qurylǵan. Qyzylorda oblysy, Qyzylorda qalasynda jumys jasaidy. Óndiretin ónimi: arnaýly jumys kiimi (spetsodejda). Qýattylyǵy: aiyna 50-den astam kiim túrin tigedi (bolee 50 naimenovanii v mesiats). 25 adamdy jumyspen qamtyp otyr. Taýardy taratý aýmaǵy: Qazaqstan jáne TMD elderi.
«Halyqqa arnalǵan úzdik taýarlar» atalymy boiynsha:
«DALATEX» JShS – 2016 jyly qurylǵan. Qyzylorda qalasynda ornalasqan. Erler jeidesin óndiredi. Qýattylyǵy: aiyna 11 myń dana erler jeidesin tigedi. 40 adamdy jumyspen qamtyp otyr. Taýardy taratý aýmaǵy: Qazaqstan jáne Resei.
Jeke kásipker «Nariman» - 2016 jyly qurylǵan. Qyzylorda oblysy, Shieli aýdany, Bestam aýyldyq okrýginde ornalasqan. Mýzykalyq quraldar ázirleidi. Qýattylyǵy: aiyna 20 mýzykalyq qural-jabdyq ázirleidi. 3 adamdy jumyspen qamtyp otyr. Taýardy taratý aýmaǵy: Qazaqstan.
«Sultan Súirik» JShS – 2004 jyly qurylǵan. Qyzylorda qalasynda ornalasqan. Tekstil ónimderin óndiredi. Qýattylyǵy: jylyna 10 myńnan astam tutynýshyǵa qyzmet kórsetedi. 15 adamdy jumyspen qamtyp otyr. Taýardy taratý aýmaǵy: Qazaqstan.
«Úzdik azyq-túlik taýarlary» atalymy boiynsha:
«Araltuz» AQ – 1997 jyly qurylǵan. Qyzylorda oblysy, Aral aýdany, Jaqsyqylysh kentinde ornalasqan. Tuz ónimderin óndiredi. Qýattylyǵy: jylyna 500 myń tonnadan astam tuz óndiredi. 1213 adamdy jumyspen qamtyp otyr. Taýardy taratý aýmaǵy: Qazaqstan men TMD elderi.
«SPK QYZYLORDA BALYQ» JShS – 2012 jyly qurylǵan. Qyzylorda oblysy, Qazaly aýdany, Áiteke bi kentinde ornalasqan. Balyq ónimderin shyǵarady. Qýattylyǵy: jylyna 1260 tonna balyq ónimderin óndirip, shyǵarady. 50 adamdy jumyspen qamtyp otyr. Taýardy taratý aýmaǵy: Qazaqstan, TMD elderi men Batys Eýropa elderi.
«AB INVEST GROUP» JShS – 2015 jyly qurylǵan. Qyzylorda qalasynda ornalasqan. Saflor maiyn óndiredi. Qýattylyǵy: 6 aida 25 tonna mai óndiredi. 7 adamdy jumyspen qamtyp otyr. Taýardy taratý aýmaǵy: Qazaqstan jáne Qytai.
Shara sońynda, «Qazaqstannyń úzdik taýray - 2018» oblystyq kórme-baiqaýyna ónimderin ákelip, belsendi qatysqan kásipkerlerdi Kásipkerler palatasynyń direktory Ǵalymbek Jaqsylyqov alǵys hattarmen marapattady.
Oblystyq kórme-baiqaý jeńimpazdary osy jyldyń qazan aiynda Astana qalasynda ótetin respýblikalyq kórme-baiqaýǵa qatysady. Biyl respýblikalyq baiqaý jeńimpazdaryn anyqtaý quraldarynyń biri retinde onlain-daýys berý júiesi engizilýde.
