Qyzylordada eki kún buryn joǵalyp ketken balanyń denesi tabyldy, dep habarlaidy Polisia.kz.
Qyzylordada eki kún buryn joǵalyp ketken bala, ókinishke orai, óli kúiinde tabyldy. 2 kún boiy joǵalǵan Bahyt Altair Maqsatulyn izdestirý jumystaryna Politsiia departamentiniń, qalalyq Politsiia basqarmasynyń jeke quramy, Ulttyq ulan sarbazdary, Tótenshe jaǵdailar departamenti, eriktiler jáne jergilikti turǵyndar jumyldyryldy.
«Búgin, 29 sáýir kúni jergilikti ýaqyt saǵat 11:00 shamasynda jeke turǵyn úidiń káriz qudyǵynan joǵalǵan balanyń denesi tabyldy. Qajetti sot-meditsinalyq saraptamalar taǵaiyndaldy. Balanyń denesinde kózge kórinetin zorlyq-zombylyq belgileri baiqalmaidy. Oryn alǵan oqiǵa boiynsha tergeý bastaldy. Tergeý áreketteri meniń jeke baqylaýymda. Kishkentai Altairdyń ata – anasy men týystarynyń aýyr qaiǵylaryna ortaqtasyp, shyn júrekten kóńil aitamyn» dedi Qyzylorda oblysy Politsiia departamentiniń bastyǵy politsiia polkovnigi Sultan Bektóre Jeńisbaiuly.
