Qyzylordada Qylmystyq-atqarý júiesi departamentine qarasty qaýipsizdigi aralas mekemesinde jazasyn óteýshi óz-ózine qol saldy, dep habarlaidy QazAqparat.
Oqiǵa ornyna jedel-tergeý toby, prokýratýra ókilderi jáne Qylmystyq-atqarý júiesi departamenti basshylyǵy bardy. Beinebaqylaý kameralarynan materialdar zerdelenip, basqa sottalǵandarmen suhbat júrgizildi.
«Tekserý nátijesinde oǵan qatysty zańsyz is-áreketter bolmaǵandyǵy anyqtaldy. Sýitsid jasaǵan azamat QR Qylmystyq kodeksiniń 24-baby, 3-bóligi, 99-baby 1-bóligimen sottalǵan.
Aita ketý kerek, sottalǵan óz-ózine qol jumsaýǵa beiim retinde mekemeniń psihologiialyq qyzmetiniń profilaktikalyq esebinde turǵan. Sonymen qosa oǵan «organikalyq galliýtsinoz» diagnozy qoiylǵan», - dep málim etti Qyzylorda oblysy boiynsha Qylmystyq-atqarý júiesi departamentinen.
Vedomstvo málimentinshe, qazirgi tańda qyzmettik tekseris taǵaiyndalyp, sotqa deiingi tergep-tekserý amaldary júrgizilýde.
